عرب كده و كده

طول عمرهم واجعين دماغنا بصلاح الدين بطل العروبة و الناس تتمني أن يعود هذا القائد العربي من جديد لكن صلاح الدين مش عربي أصلا فهو كردي, و الظريف إن نفس الناس إل واجعين دماغنا دول هما إل زعلوا قوي لما هوشيار زيباري بقي وزير خارجية العراق, قال إيه ماينفعش بلد عربية وزير خارجيتها مايبقاش عربي. وطبعا في كاس العلم بتاع فرنسا وجعوا دماغنا بلاعب الكرة العربي الأصل زين الدين زيدان و برضه زيدان مش عربي هو كمان فهو من البربر أو الأمازيغ.