2006/12/20

التوربيني شال الجزرة

أبشروا يا بشر
لقد إعترف التوربيني - فتى أحلام الشوارع المصرية - أنه سبب كارثة قطار كفر الدوار
التوربيني إبن الإييه هو إل سحب الجزرة من القطار و تسبب في موت 170 بني آدم
و جاري التحقيق معه
مش بعيد يطلع التوربيني سبب السحابة السودا و أنفلونزا الطيور أيضا
و بعض الخبثاء يعتقدوا أنه إنضم في وقت سابق للإخوان
وأنه أيضا صاحب مدونة شهيره يهاجم فيها الحكومة إسمها
و مضى قطار العمر

هناك 3 تعليقات:

yara يقول...

أنا على فكرة إبتديت أبقى مش فاهمة فى ظل السواد اللى حوالينا و اللي سببه مصريتنا و حكومتنا
أنا لو إتحطيت فى الموقف ده ها أعمل إيه
لو إستقووو على و إتكاتلوا و لبسونى تهمة ها أتوسل و أبوس الجزم
و أخضع و لا ها أثبت و أموت بعدها

elgharep يقول...

ده اللى ناقص التوربينى بقى الشماعة اللى حيركبوعليها كل الجرايم اللى حصلت من أيام الهكسوس لغاية دلوقت للأسف بوليسنا معندوش وقت حيلاحق على أيه ولا أيه مظاهرات أعتقالات قمع
كان الله فى عونهم
الغريب

Reformer1976 يقول...

يقال والله أعلم أن الداخلية في سبيلها لإقناع التوربيني بالعتراف إنه كان منتحل صفة ظابط اسمه إسلام نبيه وهو اللي دخل العصايا في مؤخرة عماد الكبير