2006/05/06

الساعة التدوينية

بعض المدونين يضعون ساعة بعقارب في مدوناتهم ... لكن ما هو الهدف منها أصلا !؟
فكل جهاز كمبيوتر به ساعة و زوار المدونة قد يكونوا من أي مكان في العالم حيث تختلف الساعة عندهم عن ساعة صاحب المدونة
هل هو مجرد ملء للفراغ في المدونة أم موضة تدوينية !؟

هناك 14 تعليقًا:

ahmad يقول...

انت سألت سؤال كوني يا طارق.. أنا كمان عمري ما فهمت... يمكن يكون سيم؟

abderrahman يقول...

أعتقد انها اكسسوار..
وممكن ونس..

زي عداد الزوار أو المتواجدون أونلاين .

غير معرف يقول...

why not showing the time zone these people are in?

Bahaa يقول...

بصفتي واحد من اللي حاطين الساعة على مدوناتهم احب اقول ان اكيد في ناس بتحطها فضا و مزاج و خلاص ... لكن طبعاً في أسباب وجيهة لوضعها يعني مثلاً الساعة بتديك ببساطة فكرة عن فرق التوقيت بينك وبين صاحب المدونة علشان لما يقول عملت كذا امبارح تعرف امبارح ده كان امتى بالضبط أو عشان لما يقول مثلاً انه في اجتماع الساعة كذا تقدر تعرف تظبط عليه ... كده يعني

Unknown يقول...

نظرية برضه

Unknown يقول...

و بعدين إيه حوار عبدو باشا و بهاء بيه هو إحنا بقينا سنة كام دلوقتي !!؟

مُصْعَب إِبْرَاهِيم يقول...

على فكرة ، الساعة دي بتلقط من جهاز المستخدم مش من السيرفر!

يعني بمنتهى البساطة الوقت اللي بيظهر لك هو الوقت اللي على الجهاز عندك!

لو مش مصدقني غير الوقت عندك و اعمل reload
(Refresh بلغة ميكروزفت)
و أنت هتلاقيها نفس التوقيت اللي انت عامله..


سلامز

Unknown يقول...

This is what I was thinking of too.

Bahaa يقول...

على فكرة موضوع ان الساعة بتحمل بتوقيت صاحب الجهاز ده غلط ... و معرفش بصراحة انت جبته منين يا مصعب
الساعات دي عادة بتكون جافا سكربت او فلاشات بتحمل من مواقع زي كلوك لنك بتقدم خدمة الساعة بفروق التوقيت العالمية المختلفة و لو بصيت على ال اتس تي ام ال بتاعها يبان اللي بقوله

Bella يقول...

اغلب المدونات اللى دخلتها وكان فيها ساعات كانت بنفس توقيت الكمبيوتر الخاص بي.

وعن نفسي اعتقدت انها على سبيل الديكور او التذكير بالوقت بشكل اكبر لانها اكبر من حجم ساعة الكمبيوتر.

وبافكر انا كمان اركب واحدة في مدونتي بس لما اتعلم شوية وارتب المدونة واحس ان فيها موضوعات معقولة

عمر سليم يقول...

حاولوا بقدر الامكان مراعاه الشعب المصري الفقير و سرعة الحاسب

و لا تضعوا اكواد كثيره فيزهق من انتظار تحميل الصفحة


مفيش احسن من جوجل خفه ما حصلتش

و مش حاطط ساعة و منبة وز رسائل للزائرين و طقس ووووووو

مُصْعَب إِبْرَاهِيم يقول...

إلى بهاء بيه

ما هي علشان الحاجات دي بتبقى معمولة جافاسكريبت و فلاش ما ينفعش تقرا من السيرفر إلا لو كانت متقدمة أوي ، و ده ما حدش من بتوع السيرفرات هيقدمها مجاني

أما جبت المعلومةدي منين
فأنا شغال مبرمج مواقع سعادتك!!

Unknown يقول...

I think Mosaab has got a point here, Java Script is a Client Site scrptint language, i.e. it runs at the Client (User's browser), and not the server like (PHP, ASP, JSP, etc)

Bahaa يقول...

إلى مصعب
أولا ... آسف إذا كان أسلوب الرد اللي فات ادالك انطباع باستخفافي بكلامك ... و على فكرة أنا عارف انك مبرمج مواقع ... وده اللي خلاني أستغرب لأن الموضوع مش محتاج فلاش أو جافا سكربت متقدمة ولا حاجة الموضوع ببساطة ان موقع زي كلوك لنك مثلاً عامل ملفات فلاش كتير على الموقع عنده بفروق التوقيت العالمية المختلفة و لما المدونة اللي عليها الساعة بتتفتح الفلاش بيعمل تزامن مع السرفر في الأول بس و يكمل بعد كده الانكرمنت من جهاز المستخدم ... وبكده يديك احساس التنفيذ على السرفر سايد ... أتمنى أكون وضحت الفكرة