2006/09/24

هل هلاله كمان و كمان

مشكلة هلال رمضان عاملة زي فوازير رمضان كده, شر لابد منه كل عام. السنة إل فاتت و إل قبلها و كل سنة نفس الموضوع. إخواننا السلفية السنه ديه قرروا يصوما بدري يوم زي عمتهم السعودية. الناس عندنا في الشغل مقسومين نصين, ناس تقولك إل ناس كلها صامت السبت يعني مصر هي إل بتفهم و باقي الناس بهايم!؟ وعالم تانية بتقولك إحنا نشوف السعودية بتصوم إمتى و نصوم عكسها عشان عمرها ما بتيجي معاهم صح.
أولا أنا مش شايف إن توحيد بداية رمضان هو إل حيوحد المسلمين يعني. كل بلد أو مجموعة حسب دليلها. بس المشكلة لما بلد مثلا تشوف الهلال و هو لسه ماتولدش فلكيا, طب شافوه إزاي يعني؟ في المنام!؟ إنا نفسي حد يفهمني ليه مانمشيهاش فلكي و خلاص. هي رؤيته لازم تكون بالعين طب ما هما بيستعملوا تليسكوب مالها الحسابات الفلكية مزعلاهم ليه!؟ ولو مش فلكي ليه أنا ملزم برأي المفتي في مصر لو أنا عايش فيها!؟ هوه الدين ماله و مال مصر و سوريا و جزر المالديف!؟ البدو بتوع سينا أقرب جغرافيا لفلسطين ليه مايصوموش معاهم مثلا!؟ ولا هي العملية بقت سياسة و أحزاب!؟

هناك تعليق واحد:

FTM يقول...

أنا شايفة ان كل دولة تصوم حسب رؤيتة داخل أرضها..