2006/11/22

فداك دمي يا حجابي

فاروق حسني وزير ثقافة كأي إنسان له سيئاته وله حسناته. في عهده إتسرقت أثار مصر و إتهربت بره. و مات العشرات في محرقة بني سويف. و إنحطت الثقافة و الفنون لأدني مستوي. لكن محدش عمره طالب بإقالته فمن الممكن أن تكون كلها مجرد سوء حظ و هو غير مسؤول عنها! لحد ما إتسحب من لسانه و غلط في الذات الحجابية. و يا عيني عال حصله, إستجوابات في مجلس الشعب و شتيمة في كل مكان و حتى الحكومة. و بكره نلاقي مظاهرات و ملصقات على السيارات من نوعية "فداك روحي و دمي يا حجابي".
عارفين إن الحجاب فرض و على رأي ملصقات الجماعات الإسلامية في المترو "حجابك ستر لك" و "حجابك قبل مماتك" و الكلام الجامد ده. بس من الأخر هو حر يقول إل عاوزه و مالأخر يعني يتفلق. يعني سكتنا على كل بلاويه و ديه إل دايقتنا قوي!؟ ما هو لو حجرنا على حرية وزير في إبداء رأيه, مانجيش نعيط بعد كده و نقول عايزين حرية. طب دول الناس, الحكومة بقى ليه هيا كمان و كمال الشاذلي النهارده بيقول أن بنته و مدامته متحجبين و كلام كده معناه إننا حكومة إسلامية و مية مية و بنصلي الفرض في وقته و طالبين الرضا و السماح من نواب الإخوان.

هناك 10 تعليقات:

arabesque يقول...

تصحيح بس يا طارق
تمت المطالبة باستقالة الوزير ساعة محرقة قصر ثقافة بني سويف وهو قدمها فعلا وحصلت المسرحية المشهورة اللي إنت فاكرها

أما الحكاية دي كلها على بعضها كده ففرقعة مالهاش لازمة
لا كلامه له لازمة ولا رد الفعل اللي طلع له لازمة
خلينا كده كل شوية نتلهي في تفاصيل وفرقعات وسايبين الجد لبعدين

Tarek يقول...

أديك قلتها ... تمثيلية ... لكن المرة ديه حتى الحكومة قلبته

Sherif Nagib يقول...

I totally agree !
But it seems impossible to avoid joining the Choral , eh ? :)

Tarek يقول...

You go me
It's next to impossible :D

Ahmoss يقول...

the funny thing that when Kamal el Shazly say "my wife and daughter are vieled" you will find a lot of Egyptians saying " Walahi ragel mo7taram " hihihihih

sha3b ahbal !!!1

Bella يقول...

الحكومة بتخليها عن وزيرها الخازوق الفنان هده المرة لاتهدف بتاتا لتلبية رغبات الجماهير ولا ترغب حتى في إرضاء نواب الاخوان

الحكاية ومافيها انهم زهقوا منه وعايزين يخلصوا فلقيوها فرصة

منها يلهوا الناس شوية عن عملية التوريث والتعديل المزعوم للمادة 76

ومنها كمان يعملوا نفسهم نزلوا على رغبة الجماهير واقالوه

قال يعني الجماهير مهمة عندهم

واهو بالمرة كمان يعملوا نفسهم بلد ديمقراطي حقيقي يسمح بالرأي والرأي الآخر

العملية كلها فرقعة وخلاص

لارأي الوزير ح يخلي المحجبات تنتفض وتقلع الحجاب
ولا كتم رأيه ح يخلي غير المحجبات يعضوا اصابع الندم ويرتدوه

لو الناس بتتحمس في المطالبة بباقي حقوقها زي حماسهم في هدا الموضوع كنا قلنا الشعب بخير

لكن المصيبة الحقيقية ان الناس مستسلمة وتاركة حقوقها لاي حد عايز ياكلها وساكتة

Bella يقول...

نسيت صحيح بمناسبة كيمو الجامد

وتصريحه عن حجاب زوجته وبنته

ضحكت والله وزي ماالاخ احمس قال

الناس ح تنسى لكيمو انه حرامي وزعيم عصابة ومرتشي عتيد ومش بعيد يعضوا اصابع الندم على غلطتهم في حق الغنم

قصدي في حقه يعني


احنا شعب مسكين والله

غير معرف يقول...

الف مليون لعنة على العرب البدو الهمج

انا مع الوزير المبدع فى كل ماقاله

لا للعودة للتخلف والهمجية

لا لاتباع هؤلاء البدو الهمج

مصر تحولت الى مجرد تابع لدولة الارهاب الاولى فى العالم السعودية الوهابية

كم اتمنى ان تقوم امريكا بضرب وسحق السعودية ونظامها الارهابى الوهابى

ان السعودية وليست العراق هو المصدر الاول للارهاب فى العالم

يجب ضرب السعودية وازلة نظامها الحقير

ولكن السؤال : ماذا يجب علينا كمصريين عمله لحماية بلادنا من هذا السرطان الهمجى الوهابى

التوقيع
مصرى للابد

yara يقول...

لا و اللى يغيظ ياابنى ان مش بس سكتنا على بلاويه و جايين نتكلم فى الهايفة ده احنا سكتنا و حطينا الجزمة فى بقنا لما البابا شتم فى رسولنا جايين دلوقتى يعملوا سبع رجالة فى بعض و النخوة و النححررة واخداهم طب ازاى هنصدقهم؟؟

Dido's^^^ يقول...

كلامك صح الصح
يعني هل هي دي الحاجة الوحيدة اللي المفروض نطالب بيها في بلدنا المصون ؟؟ اظن عندنا مشاكل اكثر من كده