فاصل إعلاني

زي التلفزيون في رمضان بالظبت ... أن قررت أحط بين كل موضوع و موضوع عشرين فاصل إعلاني عن حاجات ملهاش لزمة
و اللذيذ في الموضوع إن إعلانات التلفزيون و حبايبنا السبامرز متفقين على الإعلان عن حاجات ملهاش لزمة في الدنيا

زهقت من البلوج و منظره مش عاجبك !؟
إتصل ب بلوجوفون و نزل أحلى اللوجوهان و الرنات
بلوجوفون ... للبلوج المجنون

بطنك واجعاك بعد الفطار
مفيش غير عصير الجبل
بطنك واجعاك بعد السحور
إنت صايم ... بلاش هبل

كميفك
عايز تلعب بلي زي المحترفين
أو تلعب دارت زي المبتدئين
يبقي مفيش غير كميفك

هذا البلوج برعاية ... سمنة الجاموسة المنحوسة و علكة سنقر مان