2005/10/03

الملافظ سعد يا مدون

إنتشرت مؤخرا ظاهرة إستخدام ألفاظ نابية من قبل المدونين
و هي غالبا كانت ألفاظ تستخدم من قبل رجل الشارع عديم الرباية لكن العجيب أنها تستخدم الآن بين المدونين
و العجيب أكثر أنها تستخدم كثيرا في عناوين مواضيع لها علاقة بالدين و التدين و العلمانية و السياسة إلخ
و قد يقال أن كل إنسان حر في مدونته و يقول ما يشاء لكنني أرى أن هذه الألفاظ تحط من شان كاتبها عند الكثيرين
فلغة الحوار هي واحدة من أول أساسيات التربية
و في النهاية أود أن أقول
الملافظ سعد يا مدونين

*** This post has been edited on 02:49 PM, 03 October 2005 ***
تم تعديل كلمة مثقف و غير مثقف إلى متربي و عديم الرباية بناء على طلب المدون علاء عبدالفتاح

هناك 9 تعليقات:

غير معرف يقول...

هنرجع تاني لكلمة مثقفين، ايه بقى تعريف المثقف اللي يحتم أنه ميستخدمش ألفاظ نابية زي ما بتقول؟

و مين راجل الشارع ده كمان؟

و من أمتى الألفاظ القبيحة حكر على فئة معينة؟


مفكرتش أن ممكن تكون هي دي لغة المدون ده في حياته فعلا (أو جزء منها؟)

و بعدين ما في مدونين بيكتبوا فصحى رغم أنهم أكيد مش بيتكلموا فصحى، اشمعنى دي عادي لكن لما المدون يكتب كلام قبيح انت افترضت جزافا أنه بعيد عنه في حياته تبقى حاجة غريبة

أنا شايف أننا لازم نخترع تعبير زي الملافظ سعد نستخدمه للملافظ المبهمة المربكة زي المثقف و الشارع و خلافه

Unknown يقول...

يعني إنت سبت الموضوع و مسكت في تعريف مثقف و تعريف الشارع !؟
ألا تتفق معي في ان إستخدام كلمات بذيئة يعتبر نوع من الإنحظاظ الأخلاقي ؟

Unknown يقول...

طب لو أنا بدلت كلمة مثقف و رجل الشارع بواحد متربي وواحد عديم التربية يبقي أحسن ؟

غير معرف يقول...

أعتقد إن الموضوع مش موضوع مثقف أو غيره، لأن المثقف في النهاية هو فرد عادي أكيد أحيانا بيحتاج إنه يقول الكلام ده حتى لو في سره ولنفسه..
الموضوع هو إنت عايز تقول إيه ولمين وليه؟.. بس كده.
رسالتك اللي انت بتوجهها دي تنفع معاها فصحى ولا عامية؟ أنهي اللي هتأثر أكثر.
لازم كلام قبيح في الرساله دي ولا ممكن تستعيض عنها بأسلوب الإشاره و الكلام ليكي يا جاره.. أو ممكن تهرب من الإثنين و تستخدم استعارات من الحياة العامة. زي شخصيات قرني وخلافه.
يعني من الأخر الموضوع بيعتمد عليك و على اللي بيقرأ كلامك .. لو انت شايف انه هيتقبل كلامك ده اكتبه و لو انت شايف انه مش هيتقبله يبقى من الحماقه انك تكتبه.. بس في نفس الوقت لازم تعرف إنك لو كتبت اللي بمزاجك من غير ما تعرف جمهورك عايز إيه يبقى أنت بتخسر ناس كثير قوي بيتصنفوا على إنهم قراء محتملون .. وفي النهاية قول اللي انت عايزه بالتي هي أحسن.. وربك يستر

غير معرف يقول...

لا أنا ما سبتش الموضوع انت افتضرت أن المثقف غريب عليه القباحة و دي أنا مفهمتهاش بالمرة


متربي و غير متربي ممكن تكون أوضح، طبعا موضوع التربية ده نسبي بس ما علينا على الأقل قصدك هيبقى واضح

و أنا لا أتفق معاك بالمرة في أن استخدام كلمات "بذيئة" نوع من الانحطاط الأخلاقي، أنا من ضمن المدونين اللي بيستخدموا كلمات بذيئة (على مدوناتهم و في حياتهم عموما)، و شايف أن ده أسلوب و في الغالب صراحة كمان، و اللي مش عاجبه اللوج أوت يفوت جمل.

أبو يوسف، عندك أرقام؟ مش يمكن البذائة بتجذب قراء أكتر؟ و هل أكيد كل المدونين مهتمين بعدد القراء؟ أقصد مهتمين يرفعوا عدد القراء (أغلبنا مهتمين باحصاء عدد القراء على ما أظن)، في مدون نفسه جمهور أوسع، في مدون نفسه نوع جمهور معين أو متنوع أكتر، و في مدون مش فارق معاه الكلام ده خالص.

Unknown يقول...

علاء: تم تغيير كلمة مثقف و غير مثقف
إلي متربي و عديم التربية
أبو يوسف: أتفق معك أن أسلوب الكتابة والألفاظ المستخدمة تختلف بإختلاف الموضوع و القراء لكن بحدود يضعها الدين و مستوى التربية والمستوي الإجتماعي للكاتب إلخ

خجل يقول...

لا في شي كمان ..احيانا نقول اشيا لمجرد انها متداوله ..يعني مش نفكر في مدى العمق لمعنى الكلمه ..ظناً منا ان اللي قبلنا فكروا فيها ..اما بالنسبه للدخول في مواضيع تخص الآلهه فأنا اعتقد انها رموز ..زي ما بنقول رب البيت ..يعني الأب او اللي معه السلطه ....

مــهــــاجـــر يقول...

لا أعتقد أن هناك أى نوع من الأدب عندما نرمز لله برموز هى أقرب لصفات ينفرد بها البشر أو باقى المخلوقات . و لا أعتقد إن وصف الله بصفات مثل "العاطل" - والتى هى أسوأ صفة يوصف بها إنسان - هى من قبيل الأدب أو الموضوعية فى التعبير عن معتقدات فكرية أو خبرات نفسيه تتعارض مع الدين . وأرى أن هذا يدل على إستخفاف بمشاعر الناس الدينية وعدم إحترام للآخرين.
وللأسف الشديد عند قراءة بعض المدونات نجد أن سوء الفهم لعلوم الدين والمصطلحات اللغوية والمغالطة و تعمد الإستهزاء بمعتقدات الآخرين واضح وضوحاً لا غبار فية لتلك المدونات . وهذا لا ينفى بالضرورة وجود أناس قد نختلف معهم فى الآراء ولكن نقدر لهم الموضوعية وعدم التجريح . ولا أدرى هل إطلاق العنان لتعبيرات النابية والجارحة هى دليل على الحرية أو الثقافة إن صح التعبير ؟ لا أعتقد .

أما بالنسبة لموضوع الثقافة فلا أعتقد بصحة الكلمة أو بمعنى أصح بتعريفها لأنها غير محددة المعالم ولكن هناك المتعلم والغير متعلم والقرآن أستخدم " سعة من العلم " عندما تحدث عن المثقف بمفهوم تلك العصور

Sharks يقول...

Away from all that talk i have one thing to say

"لا يحب الله الجهر بالسوء من القول الاّ من ظلم"

Go figure....