2006/08/08

طيارة ورق تحلق في الفضاء التدويني

صاحبة مدونة طيارة ورق طرحت بعض الأسئلة في مدونتها تساعد كل مدون على تأمل مدونته الخاصة و معرفة وجهة نظر الأخرين في مدوناتهم أيضا و ها هي الأسئلة و إجاباتها ...

ـــ هل أنت راض عن مدونتك شكلاً وموضوعاً؟
شكلا مش أوي ... لكن موضزعا أيوه

ـــ هل تعلم أسرتك الصغيرة بأمر مدونتك؟
غير مهتميين

ـــ هل تجد حرجاً فى أن تُخبر صديقاً عن مدونتك؟ هل تعتبرها أمرا خاصا بك؟
بالعكس, و لا أعتقد أنه هناك من يجد حرجا مما يكتب طالما هو مقتنع به

ـــ هل تسببت المدونات بتغيير إيجابى لأفكارك؟ اعطنى مثال فى حالة الاجابة نعم
بصراحة, لا أعتقد ذلك

ـــ هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
أسعي لإكتشاف المزيد عنها

ـــ ماذا يعنى لك عداد الزوار.. هل تهتم بوضعه فى مدونتك؟
نعم, فأنا أحب الإحصائات من نوعية عدد المدونيين و أكثر المقالات قرأة و ما إلى ذلك

ـــ هل حاولت تخيل شكل اصدقائك المدونين؟ اعترف
أكييد

ـــ هل ترى فائدة حقيقية للتدوين؟
نعم, فهي وسيلة لنشر المعلومات و المعرفة و بصورة أقل تكوين أصدقاء

ـــ هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
متفاعل مع المجتمع

ـــ هل يزعجك وجود نقد بمدونتك ؟ أم تشعر انه ظاهرة صحية؟
لا أنزعج و لكن أهتم جدا بالرد عليه

ـــ هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
بلاش, مش عايزين نروح في داهية

ـــ هل فكرت فى مصير مدونتك حال وفاتك؟
أيوه, لازم أقول للورثة عشان يكملوا المشوار. بس فعلا لو واحد مات أو إعتقل مثلا ما الذي سيعرف زائري مدونته بذلك

ـــ آخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟
أغنية يكون فيها كلمة "كلمتين" لزوم القافية

هناك 4 تعليقات:

Gid-Do - جدو يقول...

طارق
دية اول زيارة منى ـ مخصوم من جائزة سيادتك جنية بحالة لانك نسيت تجاوب على السؤال اللى بعد الاخير وهو

اكتب اسماء خمسة مدونين ليقوموا بهذا الاسقصاء بعدك

لك تحياتى

Unknown يقول...

ماتزعلش يا عم
بسم الله الرحمن الرحيم ... الإجابة هي ... سعد زغلول

... يقول...

طااارق
كنت اول من رد على البوست عندى
وبصراحة ردك صدمنى
يمكن لأنك قلت
ياعم
بس لما فتحت مدونتك بعدها
لقيت انك مستمتع جدا بوحدتك
بتكتب اللى انت عايزة
ومش مهم يكون فيه حد او مافيش
مش مهم اوى يعنى نظرة الناس ليك
واظن دة بيدل على شىء من اثنين
اما انك كلك ثقة بآرائك وبنفسك
أوانك حابب تكون غامض ..ووحيد
اقول رأيى فى اجاباتك
انت مقتضب جدا
يعنى اكيد فيه كلام تانى كان بيبقى جواك وبتختصره
دة زهق؟
وللا شايف ان الكلام والسكوت سيان؟

وكمان شايفة انك بتنظر للتدوين نظرة مختلفة
تدوين وبس
ويمكن يكون هو دة الاصل واحنا اللى حولناه لمؤتمرات حوار

حاجة تانية
انت طنشت آخر سؤال وهو اختيار خمسة لاداء هذا الاستقصاء
أكيد انت تعرف هنا على الاقل خمسة
طيب مكسّل ؟
وللا مكبّر ؟
وللا حاسس انك مش محتاج اصدقاء؟
على كل حال
انا عرفت العنوان
وهتلاقينى هنا دايما

رغم انك نقيضى تماما لانى رغاية جدا
بس انا اتشرفت بمعرفتك

Unknown يقول...

أهلا وسهلا يا حلم
أن قلت يا عم عشان كنت فاكرك واحد مش واحدة ... العتب عالنظر ... و لزوم القافيا برضه ... المهم ... بخصوص الإقتضاب عشان أنا بيطلع عيني لحد ما بلاقي الحروف في الكيبورد العربي مش زهق والله ... و بمناسبة السؤال الأخير عادي يعني حبيت أسيبها مفتوحة لل عايز يجاوب ... يعني أنتي مثلا مطلبتيش مني إني أجاوب بس لما عجبتنبي الأسئلة قررت أجاوبها و نفس الشئ هنا ... و يا ريت ال تعجبه الأسئلة يجاوب علطووووووول