2008/05/16

طيطي طاطا

في إطار حرص شركة طيطي طاطا على تنمية المجتمع المصري
قررت الشركة تعيين موظفين من ذوي الإحتياجات الخاصة في خدمة الدعم الفني و إدارة المبيعات
و قررت أيضا الإعتماد على ربات البيوت الأميات في تصميم برامج قواعد البيانات الخاصة بالعملاء

فبعد إنتهاء الشهر المجاني الذي وعدتنا به الحكومة نتيجة تعطل شبكة الإنترنت ذهبت من أجل تجديد إشتراكي و دفع ثمن شهر جديد
لكن حين عدت إلى منزلي كانت الخدمة مازالت معطلة و حين أخبرت مندوب الدعم الفني أنني قد قمت بدفع إشتراك شهر جديد لكن الخدمة مازالت منقطعة سألني السؤال التالي:
هل المبلغ الذي قمت بدفعه هو ثمن الشهر المجاني, أليس كذلك!؟

و منذ ذلك الحين و كل شهر بعد تجديد إشتراكي يجب على أن أتصل بالدعم الفني بعدها حتي يقوموا بإعادة تشغيل الخدمة, و كأن تجديدي للإشتراك ليس دليل كافي على تجديدي للإشتراك

بالأمس قاموا بقطع الخدمة رغم أن مدة إشتراكي لم تنتهي بعد
و بعد الإنتظار لبعض الوقت على الخط من أجل التحدث إلى مندوب الدعم الفني
طلبت منى خدمة الرد الآلى أن أدخل رقم الهاتف الخاص بي
و بعد ذلك وجدت مندوب الدعم الفني يطلب منى أن أخبره برقم هاتفي مرة أخرى و كأن جهاز الرد الألي كان فقط يقوم بتسليتي
بعد ذلك أخبرني أنه يجب على مراجعة قسم المبيعات و حين طلبت منه تحويلي بهم أخبرني أنه حاليا مغلق و أنهم لن يفتحوا قبل الساعة الثانية ظهرا من اليوم التالي
عموما حتى لا أطيل عليكم المشكلة كالعادة كانت خطأ في السيستم الخاص بهم

فهم بإختصار لا يبالون بإضاعة يوم أو يومين من إشتراكي بدعوى أخطاء السيستم
لكنهم يسارعون بقطع الخدمة فور إنتهاء إشتراكي
لذلك و إنتقاما منهم قررت أن أخبركم المعلومة التالية

كما تعلمون فمنذ فترة تم الإعلان عن إشتراك بسعر منخفض تكون كمية الداونلود في محدودة
لكن من الواضح أن ربات البيوت في طيطي طاطا لم يستطيعوا تصميم نظام يحسب كمية الداونلود لكل مشترك
لذلك فمنذ ذلك الحين و الإشتراك المحدود هو في الواقع غير محدود لكن بسعر منخفض
و هناك بعض الشائعات أن ربات البيوت لن يستطيعوا حساب الداونلود في المستقبل المنظور
لذلك فبإختصار

وفر فلوسك
و إشترك بخمسة و أربعين جنيه و خد مميزات الإشتراك الغير محدود
و سلملي على التروماي

هناك 13 تعليقًا:

Bella يقول...

كان عندي مشكلة شبيهه والنت قطع لمدة اسبوعين وطلعوا عينيا وكل واحد تتصل بيه يحيلك على غيره لدرجة اني اول ماايدي اتلايمت على واحد فيهم مسكته ومسكت بيه الارض من الغيظ

منتهي قلة الذوق والاستهتار بوقت الناس

بالنسبة لحكاية الاشتراك المحدود يمكن مش كل الشركات بتعرف تراقب
لكن لي واحدة صاحبتي اشتركت فيه وبقالها اسبوعين ماعندهاش نت لانهم استهلكوا حصتهم

يمكن مش كل الشركات بقى

ياريت تتأكد لنا من حكاية المراقبة دي واذا كانوا فعلا بيعرفوا يتحكموا في الباندويدث ولا لا

تحياتي

Unknown يقول...

بالنسبة لطيطي طاطا ... أنا متأكد من المعلومة ديه عن تجربة شخصية و تجارب بعض الأصدقاء

Bella يقول...

امال المسكينة صاحبتي بيضحكوا عليها ولا ايه

المشكلة انها اصلا مش بتدفع خمسة واربعين
بتدفع خمسة وخمسين

يبدو انهم شايفينها طيبة ومش بتاخد وتدي معاهم في الكلام

بس ح افهمها الحكاية دي

وتشوف ليه قافلين عنها النت احتمال يكون عطل عادي

Lasto-adri *Blue* يقول...

وليه مش بتتكلم عن إنها
TEData
خايف يحاسبوك على إنه تشويه سمعت الشركة ولا ايه
:D

Unknown يقول...

لا بس إسم طيطي طاطا لايق عليهم أكتر

هشام علاء يقول...

يا راااجل

هههههههه

حلو موضوع الاشترك المحدود ده اللى مش محدود ده

عامة من المسلمات ان دعم اعملاء من اسوأ الاشياء فى كثير من الشركات اللى بتقدم خدمات فى مصر فى حين لن الزبون فى اى حتة بره بيبقى مللك متوج و طلباته اوامر

غير معرف يقول...

LOOOOOOOOOOOOOOOOOOOOOOOOOOOOOL @ Titi Tata :D

غير معرف يقول...

ازيك يا طارق
انا من المعجبين بكتاباتك
ممكن تشرفنى بزيارة مدونتى
http://www.lovers-notes.blogspot.com/

وهاكون سعيد أكتر لو زرت كمان

http://www.e7na-ma3ak.blogspot.com/

Eman M يقول...

علطول احنا فى مشاكل معاهم على نفس الموضوع، إن الداونلود المسموح قليل أوي على اللى احنا بندفعله
و لما تكلمهم، تلاقيهم بيحسبوا بطرق غريبة و مش فاهمين

و للأسف هم كدة أحسن isp

Che_wildwing يقول...

وأنا اللى كنت فاكر اللام ده عندي انا بس
دي طلعت حال عامة
ههههههههههههههه
حالة عامة

Unknown يقول...

هشام
جرب و إدعيلي

أم المريلة الكحلي
دول حتى مش محصلين تاتا
على الأقل تاتا إشترت جاجوار

الراوي
شكرا على مرورك هنا

إيمان
للأسف واضح إن نارهم ولا جنة غيرهم

ويلدينج
حالة عامة و حالة سرحان كمان
و للأسف واضح إن الشركات التانية مش أرحم منهم

غير معرف يقول...

غريبه اوي
هو النت ماكنش بيفصل عندك قبل الشهر المجاني
انا من يوم ما وعيت علي النت و هو لازم يفصل 3 ايام كل شهر علي الاقل

غير معرف يقول...

شركه زباله لا زياده ولا نقصان

اكثر شركه تقابلها فى الاعلانات واسوء شركه فى الخدمه والعروض

يا جماعه دوول نصابين وانا ليه عندهم اكثر من 15 يوم تعرفوا دخت السبع دوخات عشان احصلهم.

فى الاخر ربنا كرمنى بمدير فرع اسكندريه قولتله وبصراحه طلع راجل بطيخه اقل ما يقال وادانى ارقام غلط.

وفى الاخر من القهر

عشان ميزعلونيش عوضونى ب 3 ايام

والسلام ختام

وان شاء الله الشهر الجاى بشيل من عندهم الخدمه بلا وجع قلب