2009/01/03

أبو الغيط

سيبكو من فلسطين و حماس و حزب الله
أنا بس عايز حد يفهمني أحمد أبو الغيط ده إزاي كده
ياعالم ... الراجل ده مش ممكن
يعني مفيش حد بيفك الخط و كمّل تعليم لحد الإبتدائية بيكلم بالإسلوب ده
ده حتى لعيبة الكورة بتوع دوري المظاليم بيكلموا أعقل من كده
اللمبي لما بيتغندر مش بيعمل كده برضه
قولولي مين إل عمل فيه و فينا العملة السودة ديه و خلاه وزير خارجية يكلم بإسمنا
طب يعمل أخرس و يتكلم بالإشارة
يا جماعة إحنا لازم نتصرف ... إنشالا يخلوا المفتش كرومبو وزير خارجية
بس كده حرام ... حرام بجد

هناك 11 تعليقًا:

MoAaz SheHaB يقول...

يا ريتها جت على أبو الغيط بس ..

Tarek يقول...

يا باشا أنا مش بتكلم عن مواقف سياسية و لا أي حاجة من الكلام الكبير ده ... فأنا معاك إن مش هوه بس إل غشيم ... بس أنا بتكلم عن إسلوبه في الحوار ... بالذمة في وزير خارجية ولا حتى وزير صرف صحي يتكلم بالشكل ده ... ده مش عارف يكون جمله مفيدة ... ده حرام والله

AbdElRaHmaN Ayyash يقول...

يعيش يعيش يعيش
:D اهه ده بقى اللي مش محتاج انك تغير المحطة
انت محتاج تغير حاجات كتير عشان يمشي

yara يقول...

عايزة أرجع تانى
و عايزاكوا ترجعولى تانى

An Egyptian يقول...

نمشى ابو الغيط و نجيب نصرالله صح؟
جاتكم الهم

Lasto-adri *Blue* يقول...

نمشى أبو الغيط ونجيب أبو الحقل

:D

الرجل دا عرنا وسط الخلق... بس ان دل على شئ، دل على عينة من وزراءنا الأشواس ف البلد.. يعنى لازم تكونوا متوقعين كدة

يَحيى المِصري يقول...

كل ما أشوفه أترحم على لاديبلوماسية المصرية
و الله كان عندنا ناس محترمين مش عارف الشخص ده جه منين

M. El-Hajj يقول...

يا أستاذ مصري يا ريت تحترم الحوار وأطرافه، والله كل واحد حر في وجهة نظره، إنت قاعد تكتب في مدونتك بتدعم النظام المصري وأنا شايف إن دا لا مؤاخذة تعريص، بس معلقتش عندك قلتلك إنت معرص، فا متجيش هنا بقى تقرى في نوايا الأطراف المشتركة سواء حنجيب نصرالله ولا محمد أبو تريكة، وبالتالي كتنا الهم
دا إيه المناظر الوسخة دي عالصبح

مركز تحميل يقول...

ههههههههههه
دائما يعجبني حديثك وطريقة سردك للموضع رغم انها باللهجة المصريه إلا انها تروق لي :) ..
تحيتي لك

توبيكات
يوتيوب
مركز تحميل
شات
لعبة

غير معرف يقول...

شاركونا في الحمله القومية للحجر علي الوزير الحقل

http://www.facebook.com/crocussa?ref=nf#/group.php?gid=53048073125&ref=nf

ضحك و لكنة ضحك كالبكا

غير معرف يقول...

هم في عينك "An Egyptian"
مش عاجبك نصرالله يعني؟