2012/12/01

نقد بدنجاني للدستور الإخواني

الدستور .. كل الناس دلوقتي بتتكلم في الدستور واللجنة ومرسي .. بس كل ده حمادة وكون الناس بتنصح بعضها بقرأة الدستور بتمعن قبل أخذ قرار بالتصويت بنعم أو لا حمادة تاني خالص.

المصيبة يا عالم `ن أنا أصلا مش فاهم حاجة خالص من الدستور ده .. يمكن أنا ذكائي محدود .. يمكن تعليمي على قدي .. بس حوارات القوانين والدساتير ديه عبارة عن طلاسم بالنسبة لي ومش بفهم منها أي حاجة .. طب والعمل؟ العمل عمل ربنا .. شوفوا أنا حاعلق على بعض المواد بس تعليق بدنجاني تراللي وإنت وزوقك بقى لو عجبك الكلام ده.

المادة تسعة .. تسعى في الخير ياخويا
 "‫تلتزم الدولة بتوفير الأمن والطمأنينة وتكافؤ الفرص لجميع المواطنين‬" المادة ديه بالذات بتبين قد إيه الدستور ده حنين قوي، وبالذات لو شوفت المادة إل بعدها تلاقي الدفء الأسري كله حابيظ من الدستور: "‫الأسر ة أساس المجتمع، قوامها الدين والأخلاق والوطنية"
كلام لطيف وإبن حلال .. بس إيه علاقته بالدستور، ولا أعرف .. يعني الدولة مالها الأسرة يكون قوامها الدين ولا يكون قوامها زي قوام سامية جمال حتى .. إيه دخل الكلام ده بالدساتير .. ما علينا .. نعتبره لغو ومزايدات وديباجة وخلاص

نكمل نلاقي الدولة مستمرة في الحنان
 "‫وتكفــل الدولــة خــدمات الأمومــة والطفولــة"
 لكنها دولة ساعة الشدة شديدة وفي القوة قوية
 "‫ترعى الدولة الأخلاق والآداب والنظام العام، والمستوى الرفيع للتربية والقيم الدينيـة والوطنيـة، والحقـائق‬ ‫العلمية، والثقافة العربية"
 واضح إن الأخ ال كان بيكتب الدستور ولد خلبوص حب يكروت فقام ناقل أجزاء من كتاب التربية الوطنية المقرر على الصف الأول من المرحلة الثانوية .. دولة إيه ديه إل بترعى الأخلاق والمستوي الرفيع و الحقائق العلمية .. إيه الكلام الحلمنتيشي ده؟

وتستمر الدولة في الحلمتيشية:
"‫تحمــى الدولــة المقومــات الثقافيــة والحضــارية واللغويــة للمجتمــع، وتعمــل علــى تعريــب التعلــيم والعلــوم‬ والمعارف"

‬الكلام ده لطيف وإبن حلال .. بس الخوف إن وجوده في دستور دولة محترمة ممكن يخليها دولة حشرية ورزلة وبتدخل في حياة الناس وتضيعلهم وقتهم في كلام فارغ يعني بكرة واحد يرفع حكم محكمة بإعتبار تعليم الرياضيات في المدارس باللغة الإنجليزية مخالف للدستور ولا واحد أهبل يفسر حماية الدولة للأداب بمراقبة الإنترنت .. المشكلة إن كلام زي القيم والأداب العامة والأخلاق .. كلام مطاط وكل واحد ممكن يفسره بمزاجة وبالتالي المفروض مايكونش موجود في الدساتير .. أما ربنا ألهما إننا نعمل قوانين ليه؟

نروح للمادة تسعة وعشرين
 "‫لا يجوز التأميم إلا لاعتبار ات الصالح العام، وبقانون، ومقابل تعويض عادل"
 يعني يجوز ولا لا يجوز في الأخر؟ لازمتها إيه "إلا" ديه؟ مايرسولهم على بر يعني

الحمد لله، واحد كتب مادة بترد على المادة اللي فوق
"‫لحياة المواطنين الخاصة حرمة، وسريتها مكفولة. لا يجوز مصاد ة الم اسلات البريدية والبرقية‬ ‫والإلكترونية والمحادثات الهاتفية ‬و غيرها ‫من وسائل الاتصال ولا مراقبتها، ولا الاطلاع عليها إلا فى‬ ‫الأحوال التى يبينها القانون، وبأمر قضائى مسبب‬"
 يموت الجدع ده في كلمة "إلا" ديه، ما علينا

المادة تلاتة وأربعين
"‫وتكفل الدولة حرية ممارسة الشعائر الدينية واقامة دور العبادة للأديان السماوية‬"
 طبعا البرادعي أخد تريقة بدينه لما علق على المادة ديه .. أنا بس ليا تعليقين .. أولا لما تيجي دولة بنت تيت تمنع إقامة الجوامع فيها، ساعتها مش حانقدر نفتح بقنا لو إتكلمنا وإحنا عندنا المادة ديه .. ثانيا بعيدا عن الهندوس والبوذيين والكونفوشيين وكل دول فيه شوية مصريين كده بهائيين، وطبعا من وجهة نظرنا كمسلميين ولا مسيحيين ده مش دين سماوي، لكنهم كمصريين من حقهم يتعبدوا بطريقتهم ويبنولهم معبد ولا جامع ولا محفل ولا أي كان إسم دار العبادة بتاعهم إيه .. يعني الدولة مالهاش دعوة تتنط على مخاليق ربنا وتقوللهم دين سماوي ميتاليك ولا دين أحمر دم الغزال.

المادة إل بعدها
"‫تحظر الإساءة أو التعريض بالرسل والأنبياء كافة‬"
 رجعنا تاني للدولة الحلمنتيشية .. ماهو إل أنا باشوفهم رسل وأنبياء غيري صاحب ديانة مختلفة مش بيشوفهم كده والعكس بالعكس .. يبقى مين يقرر هنا .. طبعا أنا، عشان أنا الأغلبية وطز في الناس التانيين، ما علينا

"‫الحصول على المعلومات والبيانات والإحصاءات والوثائق، والإفصاح عنها، وتداولها حق تكفله‬ الدولة لكل مواطن‬، بما ... ‫ لا يتعارض مع الأمن القومى"
 هو الأخ بتاع "إلا" و"بما لا يتعارض مع" ده مش حايبطل غلاسة؟ طبعا إنت شايفني سفسطائي وبرخم .. وإعتبارات الأمن القومي مهمة وكده؟ صح كلامك، أنا رخم .. بس الحكومة أرخم مني .. وغالبة حاتسوق الهبالة وتقوللك أي معلومة هي أمن قومي وتخبيها عليك .. ديه حكومتي وأنا معاشرها وعارف رزالتها .. زخصوصا إن كلمة أمن قومي ديه كلمه هميونية خزعتلية كل ديكتاتور ممكن يفسرها بمزاج الست والدته.

المادة تسعة وأربعين
 "‫وينظم القانون إنشاء محطات البث الإذاعى والتليفزيونى ووسائط الإعلام الرقمى‬"
مش فاهم .. يعني القانون حاينظم إنشاء المدونات مثلا؟ حد يفهمني

ننط على المادة مئتين وتسعتاشر عشان أنا زهقت
 "‫مبادئ الشريعة الإسلامية تشمل أدلتها الكلية وقواعدها الأصولية والفقهية ومصادر‬ها المعتبرة في ‫مذاهب أهل السنة والجماعة"
يعني إحنا نخلص من الشوفينية بتاعة الأديان السماوية ندخل في شوفينية مذهبية، بس مش مهم، مش موضوعنا، المشكلة هنا في العبارات الهمايونية تاني .. إيه المصادر المعتبرة ومين إل إعتبرها .. إنت وزوقك بقى .. كل حكومة حاتعتبر المصادر إل على مزاجها وإنت ونصيبك .. واحد يقوللك المذاهب الأربعة وممكن واحد تاني يعتبر إبن حنبل بس هو المعتبر وكل يغني على معتبره

شوفتوا
أنا بس لما بركز بأفهم على طول
كفاية كده إنهارده بقى ونشوف وشكم بخير

هناك 11 تعليقًا:

Dr:Ehab يقول...

طبعا شي جيد ان تجتهد وتقراء الدستور ولكن للاسف كثير - ان لم يكن كل ما قلته - بعيد تماما عن جادة الصواب ولعل الكلام الذي رائيت انه حنين وليس له علاقة بالدستور خير شاهد فهذا كلام هام ولن تجد دستور في العالم يخوا منه وهو ما اصطلع علية بالنظام العام , والنظام العام المصري مكون من الاعدات والتقاليد والدين - بفهومة العام - فشكل وجدان وحالة وتعكف كافة الدساتير علي ترسيخ الحفاظ علي هذا النظام ويوضحة لان العديد من القوانين المكملة يجب الا تخالف القانون والنظام العام للحفاظ علي هوية الدولة واما اعتراضات حول هل التاميم يجوز ولا لا وخلافة فالمواد تقرر الاصل العام ولكن قد تكون الدولة مضطرة لمخالفة الاصل مثلا لعمل مصرف او شق ترعة وخلافة فتضطر الي نزع ملكية ارض من مالكها للصالح العام فتلك حالة خاصة هنا يجوز ولكنه يظل استثناء طيب اية الضمانة لعد التعسف اقلك هذا قار اداري ويستطيع المتضرر الطعن علية وبمجرد الطعن علية يوقف اجراء نزع الملكية حتي يتم البت في الطعن والدسيتور مجملة جيد جدا من وجة نظر قانونية بحتة وبغض النظر عن ملابسات التصويت علية المريبة ولكن انا كمتخصص اناقش المنتج ولا اناقش كيفية الانتاج كقانوني ولكن غير قد يهتم بها كدالالة علي اسلوب عمل فصيل ما واستثارة بالسلطة فهذا امر اخر

luxusumzug يقول...

تسلم ايديك على الموضوع المتميز جداا
bookmarks-pligg
bookmarks-pligg
bookmarks- pligg
bookmarks-pligg

Unknown يقول...



شركة تنظيف منازل بالاحساء
شركة تنظيف بالاحساء
شركة تنظيف مجالس بالاحساء
شركة تنظيف فلل بالاحساء
شركة تنظيف شقق بالاحساء
شركة تنظيف خزانات بالاحساء
شركة تنظيف مسابح بالاحساء
شركة نقل عفش بالاحساء
شركة كشف تسربات المياه بالاحساء
شركة تسليك مجاري بالاحساء
شركة شفط بيارات بالاحساء

Unknown يقول...



شركة تنظيف بالجبيل
شركة تنظيف منازل بالجبيل
شركة تنظيف مسابح بالجبيل
شركة تنظيف مجالس بالجبيل
شركة كشف تسربات المياه بالجبيل
شركة شفط بيارات بالجبيل
شركة مكافحة فئران بالجبيل

PSN2000 يقول...

الان الشحن من امريكا اسرع و اوفر و اسهل لحد باب بيتك viabox.com

Unknown يقول...

شركة رش مبيدات بجازان
شركة جلى بلاط رخام بالدمام

dr:sara يقول...

شركة رش مبيدات بالطائف
شركة رش مبيدات بنجران
شركة رش مبيدات بحائل
شركة الكمال لنقل الاثاث بكلا من حائل والطائف ونجران وجازان
شركة نقل اثاث بالطائف
شركة نقل اثاث بجازان
شركة نقل اثاث بحائل

مجدى يقول...



شركة تنظيف مكيفات بالرياض
شركة تنظيف موكيت بالرياض
شركة تنظيف شقق بالرياض

mariam يقول...

شركة رش مبيد بحائل
شركة تنظيف شقق بحائل
شركة مكافحة الحشرات بحائل
شركة تنظيف خزانات بحائل
شركة مكافحة الحمام بحائل
شركة تنظيف مكيفات بحائل
شركة تنظيف مجالس بحائل
شركة تنظيف فلل بحائل
شركة نقل اثاث بحائل
شركة تنظيف بعرعر

ولاء زين يقول...

5 pillars of Islam

Omar Mokhtar يقول...

افضل شركة تصميم مواقع