2008/11/29

غيّر المحطة

غيَر المحطة

شوف يا إبني إنت و هي.
أنا كانت عندي بوادر عقدة نفسية عشان كل مأقرأ المدونات المصرية ألاقي تعذيب و تحرش و إعتصامات و محاكم و بلاوي سودة.
و بعد كده لما شاركت في جلوبال فويسز لاقيت نفسي مطالب بإنتقاء تدوينات كل فترة لكي أترجمها للغة الإنجليزية حتى يقرأها العالم. و هنا إتحولت العقدة إلى عقدة و شنيطة و كان شبه مستحيل إني ألاقي في وسط هذا الكم من السواد بصيص أمل يحسس الناس إن مصر برضه بلد حلوة مش مستنقع.
عشان كده إتناقشت مع بعض المدوناتية أصدقائي و إتفقنا نخلي ولو يوم واحد كل شهر ننقل فيه حاجات كويسة في بلدنا للناس.
مش شرط تكون كتابات, ممكن صور أو رسومات أو بلوجات صوتية أو أي حاجة.
يوم واحد كل شهر نغير فيه المحطة السودة و نروح لتردد أكثر بياضا.

المهم الحملة ديه إتفقنا نسميها
غيَر المحطة
و حاتكون في اليوم إل رقمه زي رقم الشهر
يعني واحد يناير و إتنين فبراير و تلاته مارس لحد إتناشر ديسمبر
و ده اللوجو بتاع الحملة لو عايزين تحطوه في مدوناتكو

<a href="http://kelmeteen.blogspot.com/2008/11/blog-post_29.html" title="غيَر المحطة by gr33ndata, on Flickr"><img src="http://farm4.static.flickr.com/3238/3067930915_2c61579ca2_m.jpg" width="240" height="230" alt="غيَر المحطة" /></a>

و ديه نسخة أصغر شوية من اللوجو

<a href="http://kelmeteen.blogspot.com/2008/11/blog-post_29.html" title="غيَر المحطة by gr33ndata, on Flickr"><img src="http://farm4.static.flickr.com/3238/3067930915_2c61579ca2_t.jpg" width="100" height="96" alt="غيَر المحطة" /></a>

و بالمناسبة لو حد مش عاجبه اللوجو يألف لوجو جديد للحملة براحته مفيش مشكلة
المهم الفكرة

موعدنا يوم واحد يناير القادم

هناك 31 تعليقًا:

محمد حمدي يقول...
أزال المؤلف هذا التعليق.
Eman M يقول...

حلوة يا طارق :)
بس انا كتاباتى كلها قصص قصيرة، مش هعرف أفيدك أوى

Bella يقول...

حلوة جدا الفكرة دي ياطارق

ح احط الوجو على مدونتي وربنا يسهل واشارك معاك

بس عايزة اعرف هل يعني بداية انطلاق الحملة من اول يناير ولا ممكن اي حد يكتب موضوع فيه صورة جميلة من دلوقتي لو لاقي يعني مشهد حلو

تحياتي

Unknown يقول...

شكرا يا إيمان و مش مشكلة المهم أعرف رأيك في الفكرة

Unknown يقول...

شكرا يا بيللا

والله يا بنتي لو إدرتي تخليه ليومها يبقى أحسن ... يعني لما الناس كلها تتكلم في نفس واحد صوتهم حايتسمع أكتر ... بس برضه عادي يعني لو عايوه يوم تاني

Bella يقول...

اهلا طارق

لا كويس ان الناس تتكلم في يوم واحد طبعا

انا بس كنت باستفسر

لكن موافقة على الفكرة والمواعيد وكله على بعضه عاجبني

ربنا يسهل ووقتها نكتب حاجة حلوة

تحياتي

Unknown يقول...

على فكرة يا بيللا

أنا عملت نسخة تانية أصغر من اللوجو لو عايزة تستخدميها بدل الكبيرة عشان أنا شايفك حطاه في السايد بار

Bella يقول...

ياسلام عليك ياطارق

مش مخلي في نفسنا حاجة

طيب كويس ح اروح اخد الصغير واحطه

شكرا يازعيم

تحياتي

علا من غزة يقول...

فكرة حلوة كتير

بجد المدونات كلها محتاجة اعادة "تبييض" في هادي الفترة

معاكم ان شاء الله اذا كان ممكن :)

تحياتي

غير معرف يقول...

This project is limited to Arabic blogs?

Unknown يقول...

No

English blogs are more than welcomed, it's even more important to have English posts than Arabic ones in my own point of view

Unknown يقول...

شكرا يا علاء

و على فكرة الموضوع مش محصور في مصر فقط ... برده المدونات العربية مدعوة

Che Ahmad يقول...

رائع جدا الاتفاق دا
هحاول فى كل شهر ادور ع الحاجة اللى ف بلدنا كويسة
وإن شاء الله هقول لكل للناس اللى اعرفهم ع الفكرة وهحط لوجو عندي ع البلوج
http://www.fileden.com/files/2008/6/8/1950294/change.JPG
http://www.fileden.com/files/2008/6/8/1950294/Blog/change2.JPG

دا انا عملته

تحياتي
أحمد تشي

Unknown يقول...

مية مية يا أحمد و شكرا على إهتمامك

وعلى فكرة حلو اللوجو إل إنت عملته

Bella يقول...

اللوجو فعلا حلو اللى عملته يااحمد

عايزين بقى ياطارق لو سمحت تعمل لنا له كود علشان نعرف نضيفه عندنا
وياريت لو منه نسخة مصغرة

مش عارفين نشكرك ازاي

دايما بتبهجنا بافكارك

وكل سنة وانت طيب وعيد سعيد

تحياتي

Unknown يقول...

بيلا


http://how-am-i.blogspot.com/2008/12/blog-post_07.html

R يقول...

طيّب ما تيجي تكتب في تماحيك

Unknown يقول...

طب متنورونا إنتو هنا
الفكة إني مش عايز أحر الموضوع في مدونة و لا أخليها تحت إشراف شخص أو مجموعة معينة
أنا عايزة دعوة عامة و كل واحد يعبر عمها بطريقته و في المكان إل يريحة
و زي ما قلت كمان أنا مش عايزها تبقي محصورة بس في كتابات و تدوينا ممكن واحد يعبر بصور في فليكر أو أفلام قصيرة على يو تيوب أو أي حاجة هو شايفها

yara يقول...

عاجبانى فكرة النسبة و التناسب اللى فى الموضوع يعنى الأخبار السودة نكتب عنها 29 يوم و البيضاء يوم واحد فى الشهر و يمكن اليوم ده يبقى كتيييير قوى كمان عليها

Colourless_Turtle يقول...

I believe that this is a very nice idea, I looked to it from a different prespective, it's not only showing/ proving that there's always a bright side, but also becuase all these bloggers (people)will be looking around them for the bright side, and 'searching' for it as well, which I think is the most important, as it will raise all thses people's spirit, and by the Law Of Attraction , when we begin to see something we see a lot from it. so I am very enthusiastic about the idea :)

Unknown يقول...

Thanks CT
And looking forward to reading your post tomorrow.

Unknown يقول...

جميله قوي الفكره يا طارق
وانا معاكم قلبا وقالبا ومدونه

عاشــــــ النقاب ـقــــة"نونو" يقول...

هههههههههههههههه
مواااااااافقة موعدنا 3 مارس

Unknown يقول...

إتفقنا

غير معرف يقول...

فكرة رائعة
بالتوفيق ليكم

مركز تحميل يقول...
أزال المؤلف هذا التعليق.
غير معرف يقول...

فكرة جميلة بل اكثر من رائعة ، كنت اتمنى ان اكون معكم .. لكن الظروف تجبرني ان اظهر عكس ذلك ولكني سأكون متابع لك دوما .
توبيكات
يوتيوب
مركز تحميل
شات
لعبة

غير معرف يقول...
أزال أحد مشرفي المدونة هذا التعليق.
غير معرف يقول...

فكرة ممتازة يمككنا نشرها فى بعض المواقع مثل



http://www.sawa4.com

http://www.gwalat.com

http://wwww.tqnei.com

جوالات يقول...

ممتاز جدا , بارك الله فيكم ...

جوالات

استضافة مواقع يقول...

فعلا فكرة جيده جدا ,

ادارة سيرفرات

تاجير سيرفرات

استضافة

شركة استضافة

استضافة قوية

عروض سيرفرات

دليل شركات الاستضافه