2009/01/06

واحد كومودينو ورا الباب

قرر الإعلام المصري تلخيص ما يحدث في غزة و كل ما بالموضوع من تعقيدات إلى أمر واحد فقط ... تهكم قناة الجزيرة على مصر و مهاجمتها لها.
فلا أحد يناقش إن كان الدور المصري في المنطقة يتراجع و بشدة و لا أحد يطرح سبل وقف العدوان بل لا أحد يتحدث بصراحة إن كانت مصر مهتمة أصلا بوقف العدوان أم لا. الأمر برمته تحول إلى هجوم مقابل و دفاع غوغائي عن دور مصر و كأننا نعاني فعلا من عقدة نقص و نحاول مداراتها بتلك الحيل الدفاعية المترهلة.

دولة قطر التي تدين بالفضل للعدسات المكبرة التي لولا إختراعها لما فطن أحد لوجودها على الخريطة تهاجم مصر و دورها عن طريق قناة الجزيرة التي لم أستطع أن أثق بها يوما. لكن هل المشكلة فعلا هي سوء أدب الجزيرة مع مصر الحضارة و التاريخ أم أن المشكلة أن مصر لم تعد سوى حضارة و تاريخ فقط؟ هل فعلا سياسة مصر في المنطقة ناجحة أم أنها أصبحت تعاني من بعض الغشومية السياسية؟ هناك من يدعي مثلا أن إسرائيل تهدف إلى تصدير مشكلة غزة لمصر عن طريق توطين أهلها في سيناء أو حتى ضمها إداريا لمصر, لكن هل الحل الأمثل هو غلق الحدود و وضع كومودينو خلف الباب حتى لا يفتحه أحد أم أنه كان من الأجدي أن تكون عندنا خطط من البداية لهذه المشكلة. خطط تمنع إسرائل من مجرد التفكير في شيء كهذا؟

هناك 12 تعليقًا:

Shimaa Gamal يقول...

مش أول مرة الجزيرة تهاجم مصر ، و موقف الجزيرة مريب جدًا فى تغطية الأحداث على غزة . يعنى نفس العدسة المكبرة اللى بيشوفوا بيها قطر مسكوها علشان يوقعوا مصر فى الغلط .
المظاهرات ضد مصر من المحيط للخليج و توحيد كلمة الشعب العربى ضد مصر نتيجة مباشرة لتأليب الجزيرة لغوغاء العرب على مصر . و دول كثير حكمها عاموا مع الموجة على أمل إنها تشليهم و تعمل لهم منظر .

أما عن الموقف المصرى من الهجوم على غزة ، فمن وجهة نظرى الشخصية المفروض نعمل إيه ؟ نفتح الحدود على البحرى علشان الفلسطنين يستخبوا عندنا ؟ طيب هانخبى ميين؟ حماس و لا فتح و لا المواطن الفلسطينى اللى مايعرفش الصواريخ بتضرب عليه من مين ؟

المشكلة مش فى الحدود و لا حتى فى اللى ماتوا و لا اللى لسة هايموتوا .
المشكلة إن كل واحد عنده مجموعة أهداف . و الأهداف كلها مختلفة . المشكلة إن الموضوع باخ قوى .

إسرائيل مش عايزة غزة . و الفلسطينيين بيضربوا بعض على مين يحكم الدولة اللى لسة ما قامتش . و الدولة مش هاتقوم من غير ما يلاقوا ممثل للشعب الفلسطينى يمضى على إتفاق حكومات مش عصابات .
تفتكر المشكلة دى مشكلتنا كمصريين ؟ المشكلة دى تمثل أى حاجة للحاج أمير قطر اللى فاكر نفسه حاكم دولة و هو فى بلدنا ماينفعش حتى رئيس حى ؟

تفتكر حسن بيه نصرالله بتاع دعوة الشعب المصرى للخروج بالألاف لفتح المعبر فعلاً همه الدولة الفلسطينية ؟ طيب لو همه الفلسطينيين زى ما بيقول فين جنوده الأشاوس يدخلوا غزة مادام هو دكر و مصر كلها حريم ؟

الخطة موجودة من زمان لمنع إسرائيل فى التفكير من الخلاص من غزة و تلقيحها على مصر . من يوم ما مصر قالت إن غزة أرض فلسطينية و مش هانخدها تانى .
غزة طبقاً لقرار التقسيم لسنة 1948 تابعة لمصر . و لكن مصر قالت بوضوح فى مفاوضات السلام إن غزة فلسطينية . عدانا العيب و أزح . نعمل إيه تانى ؟ حظنا الأغبر إنهم جيرانا ، نعزل يعنى ؟ نسيب الناصية اللى ساكنيين عليها و نروح نأجر إيجار جديد فى الكونجو علشان الفلسطينيين و الإسرائليين يرتاحوا ؟ و لا نأجرها مفروش لقطر يمكن سموه يورينا أمارة على الفتونة ؟

أنا أسفة طولت عليك بس الموضوع ده فاقعلى مرارتى بصراحة

غير معرف يقول...

غزة ليست مصر لتبالي مصر من اجلها
الشوفينيين القبليين المتعصبين فقط من يبالي من اجل غزة لانهم على نفس الدين الاسلام

غير معرف يقول...

عجيب!!
انتو اكتب ناس بتتكلموا على "البقرة الضاحكة" بتاعتكو و اليوم لما حد من برة بيقول اي حاجة صارت اهانة لمصر؟

المفروض الكل يهاجم الجاموسة الضاحكة بتاعتكم مش بس الجزيرة. والهجوم مش على مصر و لا على المصريين

Lasto-adri *Blue* يقول...

ياحاج فرج، محدش دعى العرب عشان عيد التضحية ببقرتنا الضاحكة على قولك.. ولا حد دعى العرب عشان يساعدونا فى حاجة
ومحدش طلب من العرب يمهدوا الطريق حتى، عشان يجوا يحشروا مناخرهم فى اللى ملهومشى فيه..
واللى بيحصل دا شئ عجيب والله.. انا مع المصريين لما يقولوا نقطع الغاز عن إسرائيل.. بس ضد إن السعودية ولا قطر يقولنا نقطعه.. عشان اللى بيته من إزاز مايحدفش الناس بالطوب
ومش ذنب مصر إنها واقعة مابين النيل والفرات عشان تحمل هم المنطقة دى كلها، ويطلع ناس إيديهم فى المية الباردة زى قطر المصغرة ويعمل قناة متحيزة زى الجزيرة تعزز من موقفها الغير مرئى

المشكلة أصلا فى الإحتلال.. واللى بدل ما العرب يتفقوا عشان يطردوه، جايين يشنعوا على مصر وعايزينها تهد إتفاقية السلام بتاعتها، فى حين ان فى بلاد تانية عاملة تطبيع من غير حرب، ولو نقضتها دلوقتى.. إسرائيل اساسا مش ح تعملها حاجة عشان مش جيران

يبقى ايه بقى؟.. يبقى سكوا ع السيرة المستفزة دى.. عشان مصر سافلة وبنت *** بس عجبانا كدة..
فهمتوا ولا دا ربانى؟

Shimaa Gamal يقول...

البقرة بقرتنا و الحال عجبنا . نشتمها ، نمدحها بقرتنا و إحنا أحرار . الدور و الباقى على اللى عنده بقر ما يعرفش يقربله و كبيره يبوس إيده فى الأعياد .

العرب هايفضلوا طول عمرهم كده عايزين يحاربوا إسرائيل حتى أخر نقطة دم مصرية . طول عمرهم كلامهم مالى الدنيا و فعلهم مافيش . و الدليل أكبر القواعد الأمريكية فى قطر و التعاون الإسرائيلى القطرى و أمير دولتهم الملظلظ أبو خدود و قناة الحصيرة اللى بتهاجم الموقف المصرى أو بتخترعه كمان .
و النصاحة إن فى كل ده ، مافيش حد إفتكر إن الأزمة مش المعبر اللى بيتفتح للجرحى بس و اللى قناة الجزيرة عايزانا نفتحه لكل من هب و دب . المشكلة إن الناس فى غزة بلا وطن مالهمش دولة . و إسرائيل مش هاتنمحى من على الخريطة لإنها أمر واقع . الحل إنكم توصلوا لدولة . مش تفرقعوا شوية بمب و تتخانقوا مين هايحكم الدولة لو قامت .
الحل إن كل اللى بيقول البقرة بتاعتنا يخليه فى بقره هو و يسيب الناس تعيش .

Moعaz Shehab يقول...

مصر بتعرف تصدر الغاز لاسرائيل وتستورد منها الخطط اللي تقدر بيها تحاصر غزة اكتر واكتر ,..بجد الوضع محزن للغاية ..مصر قاربت على النهاية حتي الحضارة والتاريخ لم يعد لهما اثر ايجابي فى حياتنا .، ده بعيدا بقي عن العرب وغوغائهم حول دور مصر دون ان يكون لحد دور

Unknown يقول...

يا شت شيماء الجزيرة زفت و قطران بس مش بس الجزيرة إل بتهاجمنا ... ده حتى الصحف الأجنبية في بلاد الفرنجة و أمريكا ممسخرانا ... يعني أكيد فيه إنا في الموضوع أو الناس ديه كلها إتفقت إنها تضعف من دور مصر لسبب أو لأخر و إحنا بغباءنا مدينهم الفرصة و أكتر بدورنا المريب و كلامنا إل أكثر ريبة ... و بيني و بينك حاسس إن الناس قفشت قوي من كلام السيد حسن نصرالله عشان جه على الجرح المرة ديه رغم إنو كلام عادي و يمكن قال زيه كتير وقت حرب تموز و محدش زعل ساعتها

Unknown يقول...

يا عم مصري.
أنا بتكلم هنا من منطلق حرصي على مصر و دورها الإقليمي يمكن حتى قبل حرصي على الدم الفلسطيني.
حاول تركز كده ... عشان حتى لو عايز تبص للموضوع من وجهة نظر شوفينية و مصرية بحتة فبرضه إحنا في مشكلة مش ولا بد و لازم نحلها بدل ما نفش غلنا في أي حد بيجيب سيرة مصر في التلفزيون.

Unknown يقول...

فرج ... أنا أفضل الفلمنك أكتر من اللافاش كيري

Unknown يقول...

يا بلو قطر و السعودية بيقولو كده عشان يكسبوا بنط على قفانا ... بس المشكلة مش فيهم ... المشكلة إننا مدينلهم الفرصة إنهم ياكلو بعقل الشعب العربي على قفانا و ياريتنا سكتنا على قد كده ... إحنا أصلا كلامنا و تصرفاتنا بقت مش ولا بد و مريبة

Unknown يقول...

معز ... ربنا يستر فعلا

Unknown يقول...

الأثاث أو العفش هو جميع أنواع المفروشات التي يحتويها المنزل ولا يمكن أن يتم إهمالها حيث أنها تعبر عن الشكل العام للمكان وخاصة عندما يتم نقلها من غرفة على أخري أو مكان إلى أخر حيث أن البعض يستهتر ولا يتبع الطريقة الصحيحة حتى يتم نقل العفش مما يعرضه إلى الكسر والإصابات بالخدوش وعليه يجب أن يكون هناك أسلوب علمي مدروس وأحد الفنيين المدربين عند القيام بعملية نقل الأثاث ومن خلال شركة نقل عفش بالدمام سوف يتم القيام بذلك .
لماذا تتعامل مع شركة نقل عفش
العديد من العملاء لا يعرفون الطرق الصحيح حتى يتوجهوا إليها للحفاظ على العفش أثناء النقل ومن خلال شركة نقل اثاث بالدمام سوف تتوافر كل الطرق السليمة ويمكن الوصول إلينا عبر أرقام هواتف الشركة أو من خلال مواقع التواصل الاجتماعي حيث أن لنا العديد من الصفحات على الفيس بوك أو انستجرام أو تويتر .
https://forsan-dmm.com/company-transfer-furniture-dammam/
أحدث الأجهزة في شركة تخزين اثاث
عزيزي العميل عندما تقوم بنقل الأثاث لا يجب أن يكون عن طريق القوة العضلية حيث أنها تعرض الأثاث إلى التلف نتيجة إلى حجم بعض القطع وإنها تتميز بالوزن الثقيل مثل .
- قطع الأثاث الكلاسيك .
- قطع الأثاث النيو كلاسيك .
1- من خلال شركة تخزين اثاث بالدمام سوف يتم توفير عدد كبير من الأجهزة تستخدم في نقل العفش وفكه .
2- أجهزة تستخدم في تحميل العفش من الأدوار العليا .
3- أجهزة حديثة تعمل على مراقبة العوامل الجوية للحفاظ على العفش .
4- حتى عندما يتم استخدام خدمة التخزين من الشركة فأننا نعتمد على احدث الأجهزة حتى تكون جودة شركتنا من أعلى المستويات التي تتواجد في السوق .
لمزيد من خدماتنا
شركة نقل اثاث بالخبر
شركة نقل عفش بالجبيل