2009/12/18

راس السنة حاجة و الكريسماس حاجة تانية خالص

كل سنة في نفس الوقت ده بقابل نفس الناس و كلهم عندهم نفس المشكلة العويصة, محدش عارف إيه الفرق بين راس السنة الميلادية و الكريسماس. طب نبتدي الأول براس السنة عشان أسهل. رأس السنة هي أول السنة الجديدة, حاجة كدة زي راس السنة الهجرية, بس بتبقي في أول يناير بدل غرة محرم. الكريسماس بقة هو اليوم إل إتولد فيه سيدنا عيسى, و عندك شوية مسيحيين بيحتفلوا بيه يوم خمسة وعشرين ديسمبر و ناس تانية يوم سبعة يناير. يعني من الأخر كده عامل زي مولد النبي عندنا و لو إني مش عارف إذا كان فيه كمان أسس مسيحيين سلفيين بيعتبروا هما كمان الإحتفال بالكريسماس بدعة ولا لأ. المهم زي مانت شايف كده الإتنين حاجتين مختلفين.
طب واحد يقوللي ما ديه حاجة معروفة و مش محتاجة لت و عجن, أقوله لأ, أنا يابني بقالي ألف سنة تلات تربع الناس إل أعرفهم فاكرين الإتنين حاجة واحدة, و بعدين الساعة إتنين بليل وأنا سهران موراييش حاجة أعملها دلوقتي, فإيه المانع من شوة حكي و لت و عجن عالبلوج بتاعي.
واحد تاني يسألني ما حكم تهنئة الإخوة الكفاتسة براس السنة, أقوله إتوكس و إقرا الكلام إل مكتوب فوق خنقتنا.
يروح يقراه و يرجع يسألني ما حكم تهنئة النصاري بميلاد المسيح, أقوله طب و فيها إيه يا منيل لما تهنيهم, هوه مش نبي و من أولي العزم كمان, إيه يعني المشكلة لما تهنيهم بميلاده.
طبعا مش حايسكت و يقوللي للمسلم فرحتان وبس و مولد النبي بدعة و كلام كتير كده مش بافهمه, حاقوم قايلله خلاص كده أنا دماغي فيها حاجات كتيرة إلا القشرة و مش فاضيلك و حاروح أنام دلوقتي
مع السلامو عليكو

هناك 11 تعليقًا:

Eman Hashim يقول...

طب بس من غير ما اتهزأ - انا فعلا قلقانة و انا باكتب التعليق - اللى انا اعرفه يعنى
ان السنة (الميلادية) خاصة ب(ميلاد) المسيح عليه السلام.
يعنى هو اتولد من 2010 سنة الا كم يوم.
فبناء على كده لو انا فاهمة صح ... مفرود التقويم الميلادى فى الاساس هو خاص بميلاد المسيح
و بالتالى - المفروض برضه - ان بداية السنة الميلادية تكون هى يوم عيد ميلاد المسيح المجيد
فى حوار كده كان ناس قالوه - مافهمتش منه ولا كلمة - على ان دول كانوا ماشيين بطريقة فى عد الايام و دول ماشيين بطريقة تانية
حوار كده
عموما الساعة 7 الصبح و انا ليسة مانمتش برضه ... سلام

Tarek يقول...

شوفي يا أستاذة إيمان, التاريخ الميلادي فعلا بيأرخ بميلاد سيدنا عيسى. و فعلا هو إتولد من 2010 سنة, يعني لما إتولد سموا السنة ديه سنة واحد, بس مش معني كده إنه أتولد يوم واحد في السنة.
أصلا الشهور - سبتمبر و ديسمبر - كانت موجودة من قبل الميلاد, من أيام الحاج يوليوس قيصر الله يرحمه و يبشبش الطوبة إل تحت نافوخة.
هذا و الله أعلم.

Unknown يقول...

كلامك اللي فوق صح ما عدا شغلة وحدة... تهنئة المسيحين بالكريسماس حرام ... ليش ؟ لانو باعتقادهم انه ابن الله وانت لما تهنئهم فكانك بتقلهم كلامكم صح وهادا لحالو بيوصلك للكفر ... ثانيا انت شفت حد من المسيحين بيحتفل بالاضحى وبيضحي او بالفطر ... لا ... طيب ولو كان في حد هم دينهم)الجديد( ما بيمنعهم على عكس دينا اللي بيمنعنا من التشبه بالكفار والاحتفال باعيادهم ... صح سيدنا عيسى نبي الله ومن اولي العزم ولكن الدين اللي وصلو غير الدين الموجود هلا وانذكر هالكلام بالقران ...

Unknown يقول...

انا مسل و هو فعلا ابن الله و غصبن عنك و دينانتهم قبل ديانتنا بس انت مو مسلم بحق انت طائيفي و امثالك يجب ان يحرقون و يا اخي انت اصلا ما بتفهمش يالدين حسبي الله و نعم الوكيل شوهتو صورة الاسلام استغفر الله

ياسمين يقول...

سبحان الله...و انت تكتب شو حسيت حالك يا جاهل..؟؟ (قل هو الله أحد الله الصمد لم يلد و لم يولد و لم يكن له كفوا أحد)

yiehya يقول...

خلصتي الكلام يا ياسمين.. أحسنتِ
واضح طبعا إنه مش مسلم من الأساس وسامع العك إللي شغال فوق من سنة 2009.. قال يدخل يخبط له كلمتين هو كمان علشن يزودهم خبل.. أصلها ناقصاه هو كمان.

Unknown يقول...
أزال المؤلف هذا التعليق.
mohamed mamdo يقول...

اولا بلنسبة للكلام اللى اتقال عن راس السنة و الكريسماس احب اشكرك على توضيح الفرق مابنهم. انا رأيى بكل بساطة هى اية من القران استدل بيها و هى:
لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ ۚ إِنَّ اللَّهَ يُحِبُّ الْمُقْسِطِينَ. و دى اية تكفى. و انا من رأيى ان مفيش مشكلة انك تهنئ المسيحيين بعيدهم و مش معنى كدة انك بتقوله انه صح بلعكس انت بتبرهم زى ماربنا مقالك و بتعمل بأصلك معاهم. و هو كمان بيهنيك فى عيدك سواء عيد اضحى و عيد مولد النبى. انا باقول رأيى و كل واحد حر فرأيه. اما بقا بلنسبة للأخ unknown. فأنت يا معلم كدة لازم تستغفر ربك او تمسح اللى انت كاتبه عاشان انت كدة بتستفذ الواحد و ده كدة ربنا هيحسبك عليه.

mohamed mamdo يقول...

اولا بلنسبة للكلام اللى اتقال عن راس السنة و الكريسماس احب اشكرك على توضيح الفرق مابنهم. انا رأيى بكل بساطة هى اية من القران استدل بيها و هى:
لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ ۚ إِنَّ اللَّهَ يُحِبُّ الْمُقْسِطِينَ. و دى اية تكفى. و انا من رأيى ان مفيش مشكلة انك تهنئ المسيحيين بعيدهم و مش معنى كدة انك بتقوله انه صح بلعكس انت بتبرهم زى ماربنا مقالك و بتعمل بأصلك معاهم. و هو كمان بيهنيك فى عيدك سواء عيد اضحى و عيد مولد النبى. انا باقول رأيى و كل واحد حر فرأيه. اما بقا بلنسبة للأخ unknown. فأنت يا معلم كدة لازم تستغفر ربك او تمسح اللى انت كاتبه عاشان انت كدة بتستفذ الواحد و ده كدة ربنا هيحسبك عليه.

Motasem Mohamed Ali يقول...


mohamed mamdo
شكرا على اسلوك الراقى فى النقاش وجزاك الله خيرأ
وياريت تشاهد الفيدو ده
على شان يبان لك الفرق بين البر و القسط و

وَلَن تَرْضَىٰ عَنكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ ۗ قُلْ إِنَّ هُدَى اللَّهِ هُوَ الْهُدَىٰ ۗ وَلَئِنِ اتَّبَعْتَ أَهْوَاءَهُم بَعْدَ الَّذِي جَاءَكَ مِنَ الْعِلْمِ ۙ مَا لَكَ مِنَ اللَّهِ مِن وَلِيٍّ وَلَا نَصِيرٍ (120)

وموافقتهم على ما يخالف ما انزل الله هو اتباع ملتهم والله اعلم

وياريت تشاهد الفيدو ده من الرابط ادناه

https://www.youtube.com/watch?v=Okhid_nRdpY

Motasem Mohamed Ali يقول...

وعلى فكره انا ليا اصحاب كتيررر من المسحين وشبه متربين مع بعض
وبقف معاهم فى الفرح و الحز بس لما يكون فى حاجه تتعارض مع الدين هما بيتعبلو ده
وهما كمان بيقلولى انت لو جاملتنى على حساب دينك يبقى حتجامل حد تانى على حساب الدين المسيحى ودى اكتر حاجه بتخلينى اعتز بصداقتهم