فيه فرق كبير جدا بين المعلق بتاع ماتشات الكورة و المذيع بتاع نشرة الأخبار. فالكورة لعبية شعبية و الجمهور يتفاعل معاها و عشان كده ماينفعش وانا باتفرج على الماتش و لعيب رايح يجيب جون, ألاقي المعلق بيقول, هذا و قد صوّب المهاجم الكرة بإتجاه المرمى و لكنها لم تكن بالدقة المطلوبة لتسكن الشباك! أحا يعني, فيه فالدنيا معلق يتكلم بالشكل ده؟ حرام يعني. مايتكلم عادي و يقول, شاط الكورة بس طلعت أوت.
و عشان الكورة لعبة شعبية, فبرضه مصطلحاتها لازم تكون شعبية, يعني المعلق بروح أمه لازم يستعمل نفس الكلام إل باستعمله أنا و إنت و عم بلالا إل قاعد عالقهوة. يعني من الأخر, إسمها أوت و كورنر و جون و بيشوط و يباصي, مش رمية جانبية و ضربة ركنية و بيسدد و يمرر.
و مش لازم قبل إسم كل لعيب يفكرنا برتبته في الفريق و يقعد يقول, اللاعب أحمد حسن إستخلص الكورة من اللاعب سونج و أعطاها للحارس عصام الحضري, أحا تاني, مايقول أحمد حسن أخد الكورة من سونج و رجعها للحضري, و لو حابب ممكن يبقي يضيف في الأخر و يقول, مع حفظ الألقاب طبعا.
و في النهاية أحب أقول لأي معلق بيحب السجع يسيب التعليق و يشوفله شغلانة تانية, و ممكن أنصحة يحترف كتابة سيناريو و حوار حلقات ألف ليلة و ليلة.
و عشان الكورة لعبة شعبية, فبرضه مصطلحاتها لازم تكون شعبية, يعني المعلق بروح أمه لازم يستعمل نفس الكلام إل باستعمله أنا و إنت و عم بلالا إل قاعد عالقهوة. يعني من الأخر, إسمها أوت و كورنر و جون و بيشوط و يباصي, مش رمية جانبية و ضربة ركنية و بيسدد و يمرر.
و مش لازم قبل إسم كل لعيب يفكرنا برتبته في الفريق و يقعد يقول, اللاعب أحمد حسن إستخلص الكورة من اللاعب سونج و أعطاها للحارس عصام الحضري, أحا تاني, مايقول أحمد حسن أخد الكورة من سونج و رجعها للحضري, و لو حابب ممكن يبقي يضيف في الأخر و يقول, مع حفظ الألقاب طبعا.
و في النهاية أحب أقول لأي معلق بيحب السجع يسيب التعليق و يشوفله شغلانة تانية, و ممكن أنصحة يحترف كتابة سيناريو و حوار حلقات ألف ليلة و ليلة.
هناك 7 تعليقات:
الفكره بس ان دلوقتي مش بس مصريين بيتفرجو على الماتش.. في جنسيات عربيه تانيه .. فهو محتاج يتكلم بلغه مفهومه للكل.. مش كل مصطلحات عم بلالا اللي على القهوه هيفهمها واحد مش مصري :D
بالضبط الفكرة ان ديه اكيد سياسة قناة الجزيرة لازم يتكلم بلغة مفهومة لكل المتابعين.
كتير عجبتني المدونه تعتك..والمواضيع بتنطرح بأسلوب حلو وكوميدي كمان :)
رولا - الأردن
يا عم العرب مية مية أهه، بلا سياسة الجزيرة بلا بتنجان بقه
وألف سلام للشعب الأردني
أولا معظم الإصطلاحات التي ذكرتها هي ألفاظ طبيعية و ليس لدي شك أن اي شخص من المحيط للخليج يمكنه فهمها, هذا بالإضافة إلى أنني لم أحصر كلامي في المصطلحات فقط, لكني أيضا مستاء من الإسلوب الأحفوري الذي يتحدث به هؤلاء المعلقين الأرشيفيين.
و الطامة الكبري أن هؤلاء المعلقين لا يتخلون عن لغتهم الحفرتلية و إسلوبهم الديناصوري حتى و هم يعلقون في التلفزيون المصري. فبالتالي حتى لو تلك هي سياسة الجزيرة, فما مبررهم للتحدث بنفس الطريقة في القنوات المصرية.
شكرا يا رولا و مرحبا بك دائما في مدونتي المتواضعة
و في أثناء تصويب اللاعب إبراهيم الشايب للكرة بإتجاه المرمى إنزلق لاعب الفريق المنافس, اللاعب الأعسر عبد العزيز توفيق على الأرض و مد قدمه اليمني بإتجاه عقارب الساعة و إنشطر خط الدفاع إلي شقين كل منهما مساوي للأخر في العدد و إنفطرت قلوب المشاهدين و هم يروا بأم أعينهم الكرة و هي تتهادى بإتجاه نقطة إلتقاء دائرة منتصف الملعب بخط التماس العمودي على خط المرمى.
إرسال تعليق