2010/11/22

توأم بس مش قوي كده

صحيح حسام و إبراهيم حسن توأم، و صحيح إن جرنال الأهرام جرنال عريق مش بيكدب ولا بيزوّر صور ولا أي حاجة من الحاجات البيئة ديه، و عشان كده عايز حد يفهمني الخبر ده، و بالمناسبة واضح إنه خبر مهم جدا عشان كان موجود في الصفحة الأولي، يعني فيه حد في الدنيا يمشي في جيبه حداشر ألف ريال سعودي و ستة ألاف جنيه مصري، لأ و إيه، مش في جيب البنطلون أو البدلة، دول في جيب حزام لبس الإحرام أثناء الحج، و بعدين حسام و إبراهيم خلاص إفتقروا و رايحين تبع حج القرعة، صباح التناقض، و الجميل بقى إن الزمالك كان عنده ماتش في نفس يوم الخبر، لأ و إيه، حسام و إبراهيم كانوا في الملعب بشحمهم و لحمهم، يمكن بقى عندهم توائم تانيين و إحنا مش دريانين، يمكن مستر إكس هاز نو إند و إحنا مش عارفين.

هناك 5 تعليقات:

راجى يقول...

ملاحظات ذكية وطريفة

Tarek يقول...

شكرا يا أستاذ راجي

Nirvana يقول...

lol :)

Shaimaa يقول...

السلام عليكم
انا والدى لسه واصل من الحج امبارح بالليل ولسه من شويه كان بيقولى ان حسام وزوجته وابراهيم كانوا نازلين معاه فى نفس الفندق .. فندق الشهداء بمكة وده فندق تقريبا 5 نجوم ولا يوجد به نزلاء من بعثة قرعة الحج المصرية ..وبعدين تقريبا رجعوا مصر وعملوا هدى لعدم اكمال منسك معين. وده على العكس من الاخبار اللى بتقول ان حسام سافر مع بعثة القرعة.
اتمنى اننا كمصريين ناخد الاخبار بنوع من الشك وخصوصا اللى بتميل لمهاجمة اشخاص بعينهم واتهامهم بالاستفادة من اى دعم رغم عدم حاجتهم لذلك
تحياتى لحضرتك ولمدونتك المتميزة
شيماء جوده

Tarek يقول...

وعليكم السلام
شكرا يا شيماء على التوضيح، فعلا أخبار الجرايد إل زي الأهرام لازم الواحد ياخدها مع ذرة ملح على رأي إخواننا الطلاينة