2012/09/09

غالبا لازم أكون متعاطف مع الأولتراس

غالبا لازم أكون متعاطف مع الأولتراس ودعوتهم لإلغاء ماتش السوبر حتى عودة حق شهداء بورسعيد، فده موقف السواد الأعظم من الناس ودم الشهيد أغلى من ماتش كورة.

لكن المشكلة لما يكون موقفي مش نابع من جوايا لكن باحاول أفرضه على نفسي، التدوينة ديه فيها حيرة أصلا أكثر من موقف ثابت، ويمكن أنا باكتبها عشان إحنا دلوقتي الصبح بدري ومافيش حد أرغي معاه.

بس انا مش شايف الصلة القوية بين عودة حقوق الشهداء وتوقف المباريات، خودوني علي قد عقلي وفهموني لو مش فاهم، ليه طيب ماحدش طالب بعدم إنتخاب رئيس أو برلمان مثلا حتى عودة حقوق شهداء ثورة يناير؟ أو حتى توقف صناعة الأغاني الهابطة مثلا حتى عودة حقوقهم؟ وبعدين هو ده أول ماتش يتلعب من ساعة أحداث بورسعيد، يمكن هو أول ماتش محلي لكن الفرق لعبت ماتشات أفريقية والأولتراس حضروها على ما أظن؟





أنا أصلا زهقان من الكورة وعارف إنها بقت سبوبة ومش قادر ماشكش في نوايا القائمين على الكورة في مصر السيئة، ويمكن عشان كده سهل إني أفرض على نفسي التعاطف مع الأولتراس، ويمكن أنا مقرر أأيدهم في موقفهم بفعل الدفع الذاتي، لكن إيه حايكون موقفي لو حصلت مواقف مشابهة في مواضيع تانية، ممكن ساعتها ماقدرش أفرض على نفسي نفس الموقف؟

الإستقطاب والمبالغات ساعات بتخليني مشوش الفكر ومش عارف أحدد موقفي

هناك 3 تعليقات:

Ahmed Shreef يقول...

انا عندى نفس الحيرة دى عشان كدة مبتكلمش فى الموضوع اصلا.

أنا زى ما متعاطف مع اﻷتراس بس فى نفس الوقت متعاطف مع الناس اللى شغلها بيدور حولين الماتشات .. قصدى الغلابة مش المليونيرات اللى كروشهم واسعة.

و زى ما صناعة كرة القدم فاسدة فى العالم كله, إحنا كمان عندنا اﻹعلام فاسد و كان سبب فى موت ناس كتير .. مع ذلك ادى التلفزيون شغال و المسلسلات و البرامج موقفتش فى رمضان و لا غيره و محدش كان معترض.

و ارجع تانى و اسئل نفسى, يعنى فين الصح؟ معرفش

luxusumzug يقول...

تسلم ايديك على الموضوع المتميز جداا
bookmarks-pligg
bookmarks-pligg
bookmarks- pligg
bookmarks-pligg

elmnzel يقول...


شركة تنظيف بالدمام


لدينا فشركة المنزل شركة تنظيف منازل بالدمام امهر الايادي العاملة في تنظيف فلل بالدمام , تنظيف شقق بالدمام باقوي المنظفات العالمية التي تعيد اليكي كافة اسطح و ارضيات المنزل في لمعان و نظافة فائقة و اقوي عروض الاسعار علي تنظيف مفروشات بالدمام , غسيل كنب بالدمام باحدث تقنيات و اجهزة البخار التي تصل الي اصعب بقع المفروشات و تزيلها بدون اي اضرار



شركة تنظيف منازل بالدمام



http://elmnzel.com/%D8%AE%D8%AF%D9%85%D8%A7%D8%AA-%D8%A7%D9%84%D8%AA%D9%86%D8%B8%D9%8A%D9%81/cleaning-dammam