2008/04/26

من كان منكم معتقلا فليرمي إسراء بحجر

خرجت فتاة الفيسبوك و صاحبة دعوة الإضراب هناك من الإعتقال
و حين إستضافها مخبري ... إحم ... مقدمي برامج التوك شو المصريين
وجدناها تتنصل من فعلتها الشنعاء و تعلن التوبة عن تنظيم مثل تلك الدعاوى الصبيانية لللإضراب
و بالطبع ذلك لم يعجب أمثالنا من مناضلى الكيبورد
فما كان يجب عليها اللإستسلام
و كان يجب أن تلقى خطبة عصماء لحظة خروجها عن شرف الإعتقال
و أنها تعشق العمل الثوري و تحلم بالإعتقال مرة أخرى
و أنها مستعدة لبذل الغالى و النفيس و النفيس بوك أيضا
و أنها ... و أنها ... إلخ

لكن إل إيده في المية مش زي إل إيده في النار
و بالتأكيد من يجلس في بيته من السهل أن يملي عليها ما يجب أن تفعله
و إسراء مش عضو في اليسار التقدمي أو اليمين الإشتراكي أو معتقلون من أجل التغيير
و بالتالي هي مش محترفة إنقلابات و نضال و كفاح
و أيضا مش محترفة خطب و شعارات من إل بتعجب الجمهور
عشان كده طبيعي جدا إنها حين تتذوق مرارة الإعتقال لعدة أيام و تخرج
ستكون مثلها مثل أي مواطن مصري طبيعي
ستلعن أبو السياسة على أبو إل عايز يشتغل في السياسة
و مش بعيد كمان تلعن أبو مصر و كل إل فيها

مواضيع ذات صلة:
أفكار مبعثرة: إضراب المربوط والسايب
بنت القمر: كسر الاراده والرقبة
وسع خيالك: تعليق مختصر ومبتسر بخصوص المدمازيل إسراء
واحدة مصرية: إسراء مش زعيمة

هناك 7 تعليقات:

Bella يقول...

لافض فوك

الحقيقة احزنني جدا الحملة المضادة التي اتهمتها بالعمالة والخيانة والشتائم التي نزلت على راسها كالسيل تماما كما نزلت عليها الالقاب التي رفعتها لعنان السماء

نحن كما قلت في تدوينتي عن نفس الموضوع نحب ان نحارب المعارك السهلة التي نحقق فيها انتصارات بتضحيات الآخرين
فلو كل واحد ممن شتموها كانت اخته في المعتقل بين ايدي زبانية لانعرف ماذا فعلوا بها لايمكن يكون رد فعله بهذا العنف.
ولكن لان الجهاد من خلف الشاشات هو المتوفر فسهل جدا ان نمصمص شفاهنا ونملي على الآخرين خططا عسكرية على طريقة جنرالات المقاهي
وبمنتهي السهولة نرمي هذا بالعملاة وتلك بالخيانة

واحنا قاعدين

ابقى شوف التدوينة دي

http://afkaar-bella.blogspot.com/2008/04/blog-post_25.html

مـ~ـاجدولين يقول...

الحقيقه اسراء كانت أقل من قضيتها

هي ليست طفله عمرها 30 سنه هل يعقل انها لم تعي ما يمكن ان تتعرض لها ؟؟؟

غير معرف يقول...

كلامك صح ميه ف الميه يا طارق الي ايده في الميه غير الي ايده في النار حتي اخوانا اعضاء معتقلين من اجل التغير يوم ما بيدخلو السجن بيقولو حقي برقابتي

Unknown يقول...

بيلا
معاكي حق, بالمناسبة أنا ضفت رابط لموضوعك هنا لو معندكيش مانع

ماجدولين
التقدم في السن ليس كافيا لتوقع المستقبل
ثم تزقع الشيء و التنيوء به ليس مثل معايشته

شيماء
نورتينا يا فندم

Marwa Rakha يقول...

ده كان ردى على موضوع مشابه قلت اقوله هنا كمان: اللى حصل لاسراء ده زى عملية "البسترة" بتعة اللبن ... و لا انا و لا غيرى ممكن يفهم احساسها دلوقتى و لا يعرف حقيقة اللى جرا لها ... هى يا كانت بتلعب بالكبريت و ولعت فى البيت او كانت عايزة تعمل حريقة بس لما شافت اللهب مخها اتشل

هى ولا عندها مستشار اعلامى و لا وكيل اعمال و لا حتى حد يكتب لها تصريحاتها ... و بعدين هى فين نادية زميلتها؟ مفيش حد جاب سيرتها ليه؟

Bella يقول...

احنا يزيدنا الشرف يافندم

تحياتي

جبهة التهييس الشعبية يقول...

والله انا قرفت من الموضوع ده يا طارق
انا مش فاهمة مين اللي ادى الناس الحق انهم يحاكموا اسراء اصلا هم كانوا بيدوها فلوس مثلا عشان يقولوا لها تقول ايه وما تقولش ايه