2010/08/08

ساعتي و أنا حر فيها

ساعتي و أنا حر فيها ... أأخرها، أقدمها، أو حتى أرميها.
تقريبا كل الناس إل أعرفهم مش بيحبوا حوار تغيير الساعة و التوقيت الصيفي و العك ده.
وتقريبا محدش بياخد رأينا في أي حاجة أبدا في البلد ديه، كل القرارات و القوانين و حتى إنتخابات نقابة البوابين بتبقى غصب عنا، بس ما علينا سيبنا من السياسة، تولع السياسة أصلا و أنا ماليش فيها و مابحبهاش، ليه بقى حاجة هابلة زي تغيير الساعة ديه كمان مش عارفين ناخد قرارنا فيها بنفسنا.
إيه إل حايحصل لو الناس كلها قررت إنها بعد رمضان مش حاترجع للتوقيت الصيفي تاني.

أولا، ماحدش ليه عندنا حاجة، ديه ساعاتنا و إحنا أحرار فيها.
ثانيا، لو كل الناس عملت كده الدنيا حاتمشي عادي و مش بعيد بعد كده يبقى فيه توقيتين في البلد، توقيت الشعب و توقيت الحكومة. ده حتى الحكومة ممكن ترضخ لتوقيت الشعب لو الناس كلها مشيت عليه و هي بقت بتصيف لوحدها.
ثالثا، الفترة بعد رمضان لحد ما يرجع التوقيت الشتوي فترة ضغيرة، فالتجربة مش حاتستمر كتير و اللخبطة حاتبقى محدودة، و أهو أدينا بنجرب و نشوف إيه إل حايحصل.
رابعا، أتحداك لو جبتلي حد أجنبي فاهم توقيت مصر ماشي إزاي، و حيث إن العالم قرية صغيرة ففكرة التوقيت بتاعنا ساعة تروح و ساعة تيجي و ساعة رمضان في الصيف و ساعة العيد في الشتا بتلخبطهم و تلخبطنا معاهم و تلخبط الجن الأزرق كمان، فأكيد التخلص من العك ده في مصلحة كل الشركات المتعددة الجنسيات و الشركات إل ليها تعاملات مع باقي خلق الله و أي حد عاقل في البلد ديه.
خامسا، إدينا بنروّش و نسلي وقتنا و أهي حجة لأي حد لو في يوم راح شغله متأخر يبقي يلبسها فينا و يطلع هو منها.

هناك 9 تعليقات:

Shimaa Gamal يقول...

I like the daylight saving time because the day is longer and I like long days.
Plus, there are other countries that switch to the daylight saving time

I just don't think it is wise to get back to it after Ramadan, because it is waste of energy to keep adapting your biological clock to change.

Seriously you would have appreciated that daylight saving thing if you were a girl who is supposed to be home at a certain time. daylight saving means more time out and no fights at home :)

kol sana wenta tayeb :)

Unknown يقول...

You have a good point here Shimaa, then at least let them choose the day light saving time and stick to it the whole year. Moving the clock back and forth this way confuses us and messes with our biological clock as you've just said

إيمان هلال يقول...

تصدق فكره
انا موفقه وهعمل جروب على الفيس كمان اسمه كده بعد اذنك طبعا

Unknown يقول...

أنا بالفعل عملت صفحة عالفيس بوك، بس أكيد مافيش مانع لو عايزة تعملي واحدة تانية


http://www.facebook.com/pages/saty-w-ana-hr-fyha/121477257900733

Dananeer يقول...

المشكله اننا دلوقتى صيق و حيغيروه على !!عشان يقللوا وقت الصيام

Unknown يقول...

مهو عشان كده نغيره معاهم في أول رمضان بس بعدين نسيبه بعد ما رمضان يخلص، عشان الشتوي هو الأصل و التوقيت الصيفي فاكس

Unknown يقول...

ايوة بس انا عايزة التوقيت الصيفى
ان كان عليا مش عايزة التوقيت الشتوى اصلا دلوقتى

hazoom يقول...

well ,this problem annoyed me so much ya tarek and I searched everywhere for a solution , the internet , the RFCs , the governmental documents , i even asked people walking in the streets and guess what? i finally found the solution with a very smart guy called "sha3ban abd el reheem" yes.. "sh3bolla" him self!!! and i am now wearing a watch in my left hand and another one in the right :))

Unknown يقول...

hahaha, fe3lam yabo 7azem, howa dah el hall