2007/01/28

بأمر أمريكا

قرأت اليوم في الصفحة الأولى في الأهرام العنوان التالي
"المخابرات الإيرانية قتلت إيهاب الشريف - السفير المصري السابق في العراق"
و العجيب أن القاعدة كانت قد أعلنت عن مسؤليتها عن إعدام السفير المصري حينها
و هو ما جعلني في حيرة من أمري
خاصة أن خبر الأهرام جاء مرسلا دون ذكر مصدره
حتى وجدت الخبر التالي في موقع في البلد
"الخارجية تنفي وقوف إيران وراء خطف وقتل الشريف"
إذا فالأهرام لا تتحرى الدقة في أخباها؟!
أم أن الأهرام عندها أجندتها الخاصة التي قد لا تهتم بتحرى الدقة من أجلها؟!

إعتدنا على وصف الأهرام بالصحيفة العريقة
ووصف الصحف التي لا تتحري الدقة في أخبارها بالصحف الصفراء
لكن بعض الصحف يتحول صفارها إلى اللون الأسود

هناك 9 تعليقات:

adhm يقول...

لقد لخص العنوان الموضوع بصراحة
اما عن التخبط فى الاعلان والنفى واعادة تاكيدالخبر فما هو الا دليل على فبركة الخبر
لقد ادمن الاعلام عندنا ترديد اكاذيب الصحافة الامريكية والعمل فى خدمة المجهود الحربى الامريكى فى العراق
حتى ان الاخبار عندنا تذاع بالنص نقلا عن وكالات الانباء العالمية بدون تحمل عناء تصحيح بعض المصطلحات الخاطئة والمقصودة غالبا لتشوية صورة المقاومةسواء فى سوريا او لبنان او فلسطين

أحمد المصري يقول...

الأهرام بقى جريدة عرقانة مش عريقة.

غير معرف يقول...

هي الريح ماشية ازاي اليومين دول؟
ايران .. يبقى ايران .. قاعدة يبقى قاعدة و لو واقفة كمان مفيش اي مشكلة
المقال ده لعبد الرحمن الراشد
http://www.alarabiya.net/Articles/2007/01/29/31168.htm
الراجل ده نموذج للناطق الرسمي باسم الحكومة السعودية .. اليومين الجايين ستكون هناك لهجة أقل حدة تجاه ايران و حزب الله
الغريب و بعد كل ذلك أن يأتي من يقول أن القاعدة و ايران بينهم تعاون

micheal mohsen يقول...

و اللة الواحد محيقدر يكتب أو يعلق اكتر من العنوان الموضوع

yara يقول...

الأهرام هى جرنان السلطة
أو كلب السلطة
و ده مش معناه إن الحكومة و را أى من الخبرين بس ده معناه إن الأهرام خلاص ما عادش جرنان عريق و لا زفت

Bella يقول...

جريدة الاهرام لم يتبق لها من العراقة سوى اسم الاهرام فقط

اما الجريدة ومايكتب فيها فلايمت للعراقة باي صلة

ولولا مقال فهمي هويدي يوم الثلاثاء لم يجد الاهرام من يشتريه اللهم الا باعة الفول للف السندوتشات

صراحة خبر سمج وسخيف في وقت مريب ورائحته تزكم الانوف

في ظل الحرب الاعلامية الموجهة من امريكا تجاه ايران وخطرها المزعوم على المنطقة ينبري عملاء امريكا للترويج لمثل هكدا ترهات

والغريب والمحزن ان هناك من يروج ان خطر ايران على المنطقة اكبر من خطر الصهاينة

القيامة لابد ان تقوم بعد ان وصلت العمالة لهدا الحد والتضليل لهكدا مستوى

قال جريدة عريقة قال


بلانيلة

Dareen يقول...

I've lost faith in all News Papers!

:(

www.blogs4arab.com يقول...


يسعدنا تشريفك
www.blogs4arab.com

جبهة التهييس الشعبية يقول...

يوووووووووووو

انت مش فاهم


ماهو قالك
امريكا وايران والقاعدة

عملوا مع بعض رباطية عشان يموتوا السفير المصري

وممكن يكونوا اتفقوا مع السفير المصري نفسه

وممكن الاخوان كمان يبقى لهم يد

وممكن الواد كريم عام

وعلى فكرة

حزب الله برضه شكله كده عامل حاجة

والظاهر ان سفاح المعادي ضالع في الموضوع

يابني دي حكاية كبيرة قوىىىىىىىىىى

مصر مستهدفة

امال احنا وفقنا على خطة بوش من شوية؟

فهمت بقى ليه وافقنا على خطة بوش

مش عشان احنا خونة

ولا عشان بندور على اي سبوبة نطلع منها حسنة

ولا عشان بقينا مأجورين علنا والسعر كمان مكتوب تحت صورتنا

انما عشان نتصدى للمؤامرة

وقالك فيه كائنات فضائية هي اللي بتحرك المؤامرة ضد مصر دي

افهموها بقى قرفتونا