2007/07/13

ماذا لو كان الأطباء مهندسين

ساعات كتير باحب أغيظ صحابي الدكاترة و أقولهم إن الطب علم متخلف و إنه لو كان بيتقدم زي الهندسة كان زمان حال الناس إختلف جدا.

- كان زمان الناس بتنزل أنتي فايروس في جسمها و كان حايأبديت نفسه كل يوم عشان يحميهم من البكتيريا و الفيروسات.
- كان زمان عمر البني أدميين بقى عشرة و ميت ضعف عمرهم الحالي زي ما سرعة أجهزة الكمبيوتر بقت أضعاف سرعتها في عشر سنين أو أقل.
- كان زمان إل إيده تتقطع أو عينه تتفقع ينزل السوبر ماركت و يجيب قطع غيار تشتغل زي الأعضاء الأصلية تمام و ممكن برضه الصين تنزل قطع غيار تقليد - إيدين بتلات صوابع مثلا - بنص التمن.
- كان زمان الناس عندها مكان في دماغها ممكن يحطوا عليه فلاش أو هارد ديسك صغير يخزنوا فيه أي كمية من المعلومات منغير تعب المذاكرة و الحفظ.
- كان زمان الناس عندهم القدرة على الجري بسرعة 100 كيلو متر في الساعة مثلا منغير ما يتعبوا.

المشكلة فعلا إن الطب من عصر الفراعنة لدلوقتي مافرقش كتير أوي عكس الهندسة إل بيحصل فيها طفرات في سنوات قليلة.
يمكن طريقة تفكير الدكاترة و مناهجهم إل بتعتمد على الحفظ هي السبب.
طبيعي جدا حتى في الأفلام العربي إن لو حد عيان و راح يعمل عملية تلاقي الدكتور يقولك مفيش حاجة في إيدينا.
و ساعات كتير مريض يموت و يطلع الدكتور يقول إحنا عملنا إل علينا بس المريض مات.
في المقابل مش ممكن واحد يروح لمهندس عشان يظبطله جهاز و بعدين مايعرفش يصلحة و يقولك إحنا عملنا إل علينا بس الجهاز راح.
مش عارف ليه باحس إن طبيعة الدكاترة تواكلية بصورة كبيرة.
صحيح كل شئ بأمر الله لكن الدكاترة بيزودوها شويتين.

و المشكلة التانية إن فيه أمراض كتير زي الإيدز و السرطان و أنفلونزا الطيور و أمراض تانية معظمها ظهر من عشرات السنين و لحد دلوقتى الدكاترة مش لاقيين لهم علاج.

مالأخر ... هل فعلا الطب علم متخلف يتقدم بسرعة السلحفاة!؟ و هل يوجد حل لذلك أم لا!؟

هناك 19 تعليقًا:

IRC President يقول...

بما إني مهندس طبي فهكون محايد

مثلا في مجال الكهرباء أو الحاسب الآلي، الإنسان ليه حق الوصول والتحكم بكافة العوامل المتغيرة

في الطب لأ

أو مش بنفس الكيفية

في علم إسمه الهندسة العصبية ممكن يساهم في تحويل الطب كتقدم علمي لشئ شبيع بإللي إنت ذكرته

من الفروق الثانية، إن الطب الحديث معتمد على الهندسة بالدرجة الأولى، فالرمي بالتخلف هنا هيعود بالهندسة بالضرورة بصفتها من أساسيات الطب الحديث

نرجع ثاني للهندسة، كل المكونات إما أن يكون الإنسان صانعها بالكامل، أو يفهمها بالكامل

بس في الطب في حاجات كثير مش مفهومة حتى الآن، مثل أنشطة المخ، فالمخ شغال بنسبة من 10 إللى 25% من كامل النسبة المتاحة، الباقي لسا مش مفهوم، وده راجع لقصور هندسي بالدرجة الأولى

قالعوامل ده إما مرتبطة بعدم فهم كمثالي السابق

أو بعوامل مستحيل التحكم فيها كالروح مثلا، والقدرة الطبيعية للأنسجة إللي هيا صعب جدا التحكم فيها حاليا وغيرها كثير

فمعلش يعني، الرك على الهندسة لو الطب متخلف :P

Tarek يقول...

معنى كلامك أن سبب تخلف الطب هو الهندسة و أن الطب يعتمد إعتماد كلي على الهندسة و هو ما يعني أنه لا فائدة منه أصلا
ثم كيف يكون سبب تخلف الطب هو الهندسة و قد إتفقنا على تطور العلوم الهندسية بصورة كبيرة و خاصة الهندسة الإلكترونية النواة الأساسية للهندسة الطبية

صحيح أن هناك بعض مكونات جسم الإنسان خاصة المخ غير مفهومة حتى الأن و لكن ذلك و إن دل فإنما يدل على تخلف الأطب ليس أكثر

R يقول...

ـ (هذا الكلام منقول-شبه حرفياً-من مداخلاتي على كتاب الوشوش ونقلته هنا لمواصلة المناقشة- بس يا ريت يا طارق تخليه ممضي بحساب بلوجر بتاعي بدل التاني:

يا راجل حرام عليك. الكلام اللي إنت كاتبه هو العكس بعينه. إنت خالط بين العلم والتكنولوچيا-
علم الهندسة بالذات متهيألي لم يتغير كثيراً من أيام إقليدس بينما اكتشافات الطب مستمرة حتى يومنا هذ-
أما كل أمثلتك فهي على التكنولوچيا وطبعآً التكنولوچيا دي في تقدم مستمر في أيّ مجال.

الطب ده بينتمي للعلوم البيولوچية، اللي ما بتخضعش لقوانين الجماد الهندسية بل لقوانين الحياة. يعني لو رميت فار على الأرض مش ممكن هيخضع لقوانين الحركة لأنه حي، ومش ممكن تتنبأ باتجاهه أو سرعته. أما لو رميت كورة ميتة فممكن تحسب كل شيء.

ثانياً، اقرأ المجلات الطبيّة وتعجب للجديد كل يوم وكل ساعة في علم الطب نفسه ومش في التكنولوچيا. التكنولوچيا هي تطبيقات العلم، لكن شوف الاكتشافات المذهلة في جهاز المناعة شديد التعقيد يا أستاذ، وده اللي بيخلي مهندسي الكومپيوتر مثلاً ياخدوا استراتيچيات من جسم الإنسان زي
Neural Networks and Artificial Immune System

ده دلوقتي فيه أبحاث كثيرة جداً لاستخدام استرتيچيات المناعة بتاعة الإنسان ليتعلم الكومپيوتر مكافحة الڤيروس بنفسه بدلاً من تنزيل نورتون أو مكافي كل كام شهر...

واقرأ في هذا مثلاً
هنا

وفيه حاجات كتيرة كمان مذهلة في عالم البكتيريا.. تعرف إن جسم الإنسان بيصطاد البكتيريا بشبكات زي شباك العنكبوت؟
تعرف إن البكتيريا بتطلع إنزيم يكسر الشبكات دي؟
تعرف بقى إن فيه خلايا في الجسم بتجري ورا كل بكتيرياية وتصادها قبل ما تكسر الشبكات، فالبكتيرا الخطيرة بس اللي بتفضل وبتقتحم الجسم؟
اقرا الكلام ده كله في
Nature Medicine
عدد بعد بكره، حيث إني مشتر في البحث ده (أنا بس (باغلس

وبعدين الطب بيتعامل مع حاجات طبيعية (خلقة ربنا) ولو قارنت تشبيهاتك بالهندسة مثلاً، هتقول ليه الهندسة ما حلتش مشكلة الزلازل أو العواصف أو البراكين؟؟؟
كمان ما تقللش من قدر البكتيريا والڤيروس لأن زي ما إنت بتحاول تقضي عليهم هم عايزين يعيشوا حتى لو كلفهم ذلك إنهم يقضوا عليك.. ما هماش أي كلام يعني...

بعد كل هذا الكلام أؤكد إني شخصياً باكره الطب وعمري ما فكرت فيه- بس في الآخر لو متألم أو عندي مرض يبقى طظ في كل المهن التانية وباصوت: دكتور إلحقني! علماً إن فعلاً فيه حاجات في نظام تدريس الطب في العالم أجمع بتخلي الدكاترة طالعين فيها ويتعالون على الآخرين بسبب أو بدون سبب، وكذلك يجعلهم پراجماتيين جداً لا يهتمون بعمق البحث العلمي بل بإنقاذ المريض، واعتبر ده تعميم!
ـ

Tarek يقول...

و من قال أنني أقارن بين علم و تكنولوجا
فأنا أقارن بين قدرة المهندسين على تطبيق العلم المتاح لهم (تكنولوجا) و قدرة الأطباء في المقابل على فعل نفس الشئ
فالمفروض أن كل من الطب و الهندسة تكنولوجا و تطبيق لعلوم على عكس كليات العلوم سواء قسم رياضة أو قسم أحياء التي تمثل العلم في هذه الحالة
قد تكون هناك إكتشافات مرتبطة بجسم الإنسان و جهاز الماعة و ما إلى ذلك لكن لا يوجد أي تقدم ملحوظ في إستغلال تلك الإكتشافات لعلاج الأمراض و تطوير مناعة الإنسان مثلا

أما عن الزلازل و البراكين. ففي اليابان مثلا توجد مباني مقاومة للزلازل لكن العائق أمام نشرها ربما يكون تكلفتها العالية

ellithy يقول...

مدونة جميلة ما شاء الله
هذه مدونتي

مدونـــــــــــتـــــــــــــــــي

هل ممكن نعمل باك لينك لبعض ؟؟
backlink??
بارك الله فيك وإلى الامام

Lasto-adri *Blue* يقول...

اللى اعرفه ان الطب مبنى على نظرية
trial and error
مالوش قواعد عامة...
يعنى كل دكتور يشوف الاعراض فيبدأ على اساسها يحط الاحتمالات للتشخيص ويجرب فى المريض
واكيد لا يمنع ان كل دكتور يشوف الحالة بشكل مختلف او انه يشخص على حسب ما هو شايف
ودا اللى يخلى الطب يسقط من نظرى.. لافتقاره النظام اللى مبنى عليه قواعد الهندسة

ثم انما فى شئ مهم جدا اتقال لنا ومؤمنة به -مع الاعتذار لاصدقائى الدكاترة- بس اى مهندس ممكن يشتغل اى حاجة .. محامى... محاسب... وحتى صيدلى او دكتور
يكفيك ان عندك عقل هندسى

:P :P :P


يلا يا طارق.. ردهالى فى الافراح بقى

amazing_angel يقول...

i liked this post..but i think it will be mysterious thing until the days prove it..very nice post

IRC President يقول...

مش كلي

الطب بيعتمد على الهندسة كأدوات

حتى كل الإكتشافات إللي تم ذكرها لو لم يخترع المهندسون أجهزتهم ما تقدم الطب بهذه الصورة في "العصر الحديث"
مثلا

دلوقتي فيه في أمريكا عمليات قلي مفتوح تتك بالكامل كإحتكاك مباشر عر طريق روبوتات، ويكون الدكتور خارج غرفة العمليات معاه حاسب آلي متخصص وهو إللي بيحرك الروبوتات ده

يعني من غير الدكتور المهندس مش هيعمل الجهاز، ومن غير الجهاز العملية هتبقى أصعب وتحتاج ناس أكثر

فالهندسة هنا أداة أساسية لتطوير الطب، إنما مستحيل تكون بديله له, لأن الهندسة " من" التطبيقات والأساس العلمي من الطب

IRC President يقول...

دلوقتي فيه في أمريكا عمليات قلب مفتوح تتم بالكامل كإحتكاك مباشر عن

The Alien يقول...

فيه إختلاف كبير بين الطب والهندسة
وأبسطها إن الهندسة بتتعامل مع حاجات عملها الإنسان
لكن الطب بيتعامل مع الإنسان نفسه
يعني حاجة موجودة بيحاول يفهمها عشان يتعامل معاها

تحياتي

خليك فى البيت يقول...

خليك فى البيت يوم 23 يوليو لمعرفة التفاصيل أدخل مدونة خليك فى البيت

mirage يقول...

مسألة الطب دي في الاول والاخر متعلقة بالاحتكار يعني لو احنا كنا فالحين كنا تطورنا وتقدمنا واحتكرناه لنفسنا
الدول المتقدمة اكيد متقدمة في الطب ومحتكرة ده لنفسها بس اكيد تطورها مش زي تطور الهندسة لصعب فهم الجسم البشري اصله مش جهاز الكتروني الانسان مخترعه
وبعدين الطب يتطور ليه؟ العالم مش ناقصة ناس تعيش الي يمرض يموت ويريحنا :s

fares يقول...

عذرا للتحليق خارج السرب ارجو منكم التضامن معي في حمله نقطه ماء تساوي حياه
تحياتي

micheal يقول...

يمكن لان الطب يا طارق فيه تجارب كتييره
تحياتي لك

غير معرف يقول...

أسئلة للتاج


حملة انترنت بلا حدود : شارك من فضلك جاوب على الاسئلة وانشرها وساهم فى الحملة

غير معرف يقول...

أولا لصاحب المدونة
مش مستغرب انك شايف الطب مش متقدم لان واضح من كلامك انك واخد معلوماتك عن الطب من الافلام والمصرية منها كمان



Lasto-adri *Blue*:
اضحكني فهمك لطريقة تشخيص المرض

Tarek يقول...

أستاذ غير معروف
أنا لما قررت ضرب أمثلة من الأفلام فكان من أجل توضيح الصورة خاصة أنني لو إستشهدت بتجارب شخصية لم يراها القارئ بالتأكيد لن يكون لها وقعها عليهم خاصة أن إسلوبي في سرد التفاصيل غير جيد بالمرة. الأفلام أيضا في أحيان كثيرة تكون معبرة عن الواقع.
بالمناسبة أنا ذكرت أيضا أمثلة كثيرة لأمراض موجودة منذ عشرات السنين و الطب فشل تماما في علاجها. و لا أعتقد أن الأفلام لها علاقة من قريب أو بعيد بذلك.

أما عن التعليق الذي أضحكك فدعني أستعير كلمة من فناني السينما التي تكرهها و أقول
"إضحاك المشاهد - القارئ في هذه الحالة - هدف نبيل"
تحياتي

غير معرف يقول...

كلام لا يدل عن بحث صحيح

ولكن سأقول لك أمرا

إن الإنسان منذ خلق وهو يسعى لتحقيق أمر مهم جدا ،، وهو البحث عما يجعله صحيحا سليما

فالإنسان القديم سعى للبحث عن الدواء من أجل أن يبقى

فعلم الطب بدأ ببداية البشرية وهو عبارة عن كمية خيالية من التراكمات البشرية والتي وصلت إلى عصرنا هذا

وهنا بدأنا اعتماد الطريقة العلمية الصحيحة لنقد ما وصل إلينا من هذه التراكمات البشرية

ومع كل هذا فلا يزال علم الطب في تقدم لا أظن أن علما آخر يوازيه ،، وكوني طالب طب فإني أنسف الافتراض الزاعم أن الطب مبني على الحفظ فقط

لدرجة أن الطبيب الشاب يختلف بنسبة كبيرة جدا عن الطبيب كبير السن ،، فالطب لا يعرف الخبرة فقط والطبيب الذي لا يحدث نفسه ويعمل على تجديد معلوماته بشكل مستمر فهو في طريقه للدمار

بل إنني أستطيع أن أحكم على الطبيب من كلامه عن مدى مواكبته للعصر الذي يعيشه

* فهل يوجد بالهندسة مثل ذلك ؟؟!!

ولو أتممت المقارنة مع الهندسة من جديد لوجدت أن الإنسان القديم لم يكن يبحث عن سكنى القصر وهو لا يجد الطعام !!! بل إنه يبحث عن أساسيات الحياة من (( صحة )) وغذاء

أما الهندسة فهي جانب مكمل أتى لاحقا ، بعد أن تطور الإنسان البسيط وبعد أن سكن الحضر ولذلك فنجد أن الإنسان قد أبدع أيما إبداع في هذا المجال لأنه طرقه متأخرا ولم يكن عبارة عن تراكمات حضارية

وبذلك كان تطور الهندسة أوضح وأظه للعيان عن تطور الطب وعلومه

- وأخيرا لا مقارنة أبدا بين الطب وغيره من العلوم ، فكي تظل حيا يجب أن تكون صحيحا

ولكنه لا يازم أن تكون ( مهندسا ) أو يعتمد على وجود مهندس

ولكل علم فضله ،،

will يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室