2007/08/03

كانوا بيتكلموا طلياني

إنهاردة كنت ماشي في الشارع رايح أجيب بسكويت من الكشك إل جنب الشغل. لاقيت مجموعة من العمال بيركبوا يافطة فوق محل لسة بيتعمل, لكن الغريب إنهم كان شعرهم أصفر و شكلهم مش زي العمال خالص. قربت منهم لاقيتهم يبتكلموا طلياني.
أيوة بالظبط ... عمال ... فواعلية ... لكنهم من إيطاليا ... إيطاليا البلد
سبحان الله

ملحوظة: إحتمال يكون روماني مش طلياني. أنا مش ضليع في اللغة الإيطالية يعني

هناك 11 تعليقًا:

Zeinobia يقول...

طارق فى عمال دلوقتى فى بورسعيد بيشتغلوا فى المنطقة الحرة فى مصانع الهدوم دول بقى من الهند و بنجلاديش
و يقولك فى بطالة فى البلاد
بس طليانة ده فين يا طارق

الدبور يقول...

يعيش عصر الانفشاخ !

Unknown يقول...

في حي الباشمهمندسيين

Unknown يقول...

ههههه
بالظبط كده يا دبور

Bella يقول...

دي بقى الطريقة العصرية لمحاربة البطالة ؟؟؟

SeeKer يقول...

لا حول و لا قوة الا بالله ...
سبحان الله
طليانة ...هي ناقصة ..ما كفاية الافارقة اللي في البلد

Unknown يقول...

يعني هي جت على الطلاينة
هما مالهمش نفس يعني
مالصينيين و الأفارقة ملو البلد
و طظ في المصريين إل قاعدين على القهاوي

abderrahman يقول...

أنا شفت أحد أبناء هذه القبيلة منذ عامين تقريبا
واحد منهم كان قاعد جنبي في ماكدونالدز في وسط البلد
كان السؤال اللي في بالي وقتها هو بياخد كام عشان ييجي يا كل هنا، بعشرة جنيه او أكتر وهو ممكن ياكل باتنين جنيه بس، فول وفلافل
:)

abderrahman يقول...

على فكرة اللي شفتهم مش كانو طلاينة يا أتراك يا اوروبا الشرقية ..

Unknown يقول...

يمكن يكونوا من رومانيا
عشان لغتهم شبه الطلياني شوية

Mohamed Shedou محمد شدو يقول...

طيب دا ده معناه ان مصر أصبحت مكانا جاذباً للمهاجرين يعني زي اوروبا وامريكا