2011/04/29

أيوة، أنا عايز أتاجر بالثورة

صحيح إحتمال كبير كنت حانفض لحوار الرويال ويدينج، ولحد إمبارح أصلا مكنتش عارف بالظبط مين في العيلة المالكة إل حايتجوز، الملكة ولا إبنها ولا مين يعني، وصحيح إنه واحد من الأحداث إل متابعتها عليها عالتويتر أحلي بكتير من الفرجة عليها عالتلفزيون، بس عادي يعني، حوار مش بطال و مسلي يعني.

المهم بقى إيه علاقة ديك أم الرويال ويدينج بالثورة في سوريا ولا بالمرتزقة بتوع القذافي، ليه كل شوية واحد يطلع يبضن ويقول بقى سايبين الثوار في سوريا وبتتفرجوا على جواز عتريس وفؤادة الإنجليز؟ بقى سايبين السباعي و محاكمات الفاسدين و بتتفرجوا على جواز إتنين مانعرفهمش؟ وكلام مزايدات بيضان كده مالوش تلاتين لازمة أصلا.

سيبكوا بقى من ده كله، أنا الصراحة معجب جدا بالعالم الإنجليز دول، مش يعني عشان تحسهم مستحميين كده وشوارعهم نضيفة، لأ بس عشان عرفوا يسوقوا حياللا فرح و أكيد كسبوا منه ملايين أكتر من إل إتصرف عليه، ليه بقى إحنا لحد دلوقتي مش عارفين نجيب ناس عدلة بتاعت ماركتينج تسوق لنا ديك أم الثورة على ديك أم ميدان التحرير إل العالم كله فضل يتفرج عليه في التلفزيون يوميا لمدة كذا إسبوع؟ عارف ناس حاتقوللي يا رأس مالي يا متعفن عايز تتاجر بالثورة؟ أيوة عايز أتاجر بيها، ليه لأ؟ مش أحسن من الولولة إن السياحة إتضربت وهي مصدر دخل أساسي للبلد، ليه مانتاجرش بالثورة لو في مصلحة إقتصاد البلد يعني، هي التجارة حرام؟ هو تسويق تيشرتات في العالم عليها علم مصر ممكن يضر الثورة مثلا؟ أو يوقف محاكمات الفاسدين؟

أكيد أنا مش قصدي الهبل بتاع فسخاني خمسة وعشرين يناير و لحاف الثورة وركيبة الثورة الحمضانين دول، لا أنا باتكلم عن تسويق مصر على بعضها عالميا وخلق معالم جذب سياحي جديدة من وحي الثورة، أكيد الركيبة المحليين حرين أنا مش ضدهم، بس مش حانستفيد حاجة يعني لما نبيع على نفسنا، أنا باتكلم في إننا نبيع منتجات مصرية برا مصر على حس الثورة، سواء منتجات مادية أو حتى معنوية زي السياحة والفن وحتى حاجة وزي سمعة مصر وكلام الإنشا الجميل ده

هناك 10 تعليقات:

اتنين بلوججاتيه يقول...
أزال المؤلف هذا التعليق.
اتنين بلوججاتيه يقول...

طارق المقال جامد بجد

بس انا كنت عاوز اسألك ف نقط بتخص التدوين عموماً لأني (بلوجاتي) جديد..

ممكن؟

Unknown يقول...

أكيد طبعا، إسأل زي مانت عايز

غادة يقول...

عندك حق ، ياريت

اتنين بلوججاتيه يقول...

بص يا باشا
هتعبك معايا
انا عاوز اعرف ازاي انشر البلوج بطريقة قوية
و هل لو عملت ف بلوج تانيه follow بيعملي برضه تلقائي ولا لأ
و ازاي انشر البلوج ف البلوجات التانيه

بس كده عشان مطولش عليك :)

Moataz يقول...

الحقيقة الأقتراح كويس جداً ..
واعتقد ممكن رئاسة الوزراء تهتم بيه ..
خصوصاً إني أعرف ناس أجانب كتير جداً سألوني ليه منعملش متحف في المنطقة هناك أو علي أضعف الإيمان نخصص يوم في الأسبوع المنطقة كمنطقة مغلقة تتعمل هايد بارك بإشراف حكومي .
متيجي نبعت لعصام شرف علي تويتر وعلي صفحته في الفيس بوك

غير معرف يقول...

ثقافة الهزيمة .. العتبة الخضراء‏

و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار. و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير.

..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!! باقى المقال ضمن مقالات ثقافة الهزيمة بالرابط التالى www.ouregypt.us

Unknown يقول...

اتنين بلوججاتيه

في الحقيقة عملك فولو لأحد المدونات لا يعني أنها ستعمل لك فولو تلقائيا، فهو أمر متروك لكل شخص وما يهوى من مدونات

وفي الحقيقة أيضا لا يوجد حل سحري لنشر مدونتك، لكن هناك إجتهادات، فتعليقك على مدونات الأخرين يعرفهم بك، لكن حذاري من التعليقات السخامية أو الغير بنائة، فالناس تتشجع لتتبع لينك مدونة من علق عندها طالما كان تعليقه دسم وجذاب لهم، كأن يكون بع معلومات وأفكار جديدة
أيضا يمكنك نشر ما تكتب أولا بأول في حسابك على الفيسبوك أو التويتر أو حتي دليشويوز
يمكنك أيضا وضع عنوان مدونتك في توقيعك في البريد الإلكتروني كنوع من الدعاية المجانية

اخبار سياسية يقول...

مدونه وقحه وتيتخدم الفاظ مسيئه

جريدة الريماس للأخبار الحصرية يقول...

enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz