2007/10/22

أحلام حقيقية


يوم الجمعة الماضي قررت الذهاب إلى السينما, كان ذلك بعد تجربة غير موفقة مع أفلام العيد حين شاهدت فيلم عجيب إسمه الأولة في الغرام قبلها بعدة أيام. لم أكن قد قررت بعد وجهتي من الأفلام المتيقية و إن كانت ترشيحات أمي و أختي منصبة نحو فيلم أحلام حقيقية في حين فضل أبي إختلاق أي حجة من أجل عدم الذهاب إلى السينما. في الحقيقة أنا لم أكن متحمس للفيلم فداليا البحيري مش بتنزللي من زور و وصف الناس له بأنه فيلم رعب كان يدفعني للإعتقاد بأنه سيكون فيلم رديئ فمثل هذه النوعية من الأفلام تحتاج لميزانية كبيرة و تقنيات معينة لا تعرفها السينما المصرية. لكنه كان الخيار الوحيد وسط أفلام من نوعية كلب و أربع قطط و عصابة الدكتور عمر و أخري إستمر عرضها بعد موسم الصيف مثل كركر و البلياتشو حتي أوشكت على التعفن.


لكن من أول لحظة في الفيلم أدركت أنني مقبل على مشاهدة فيلم مختلف فحركة الكاميرة و الألوان كانت تدل على أن محمد جمعة مخرج الفيلم نجح في خلق جو عام لم نعتده من قبل في أفلامنا. و رغم كونه أول أعماله الإخراجية فإن جودة الصورة كانت في حد ذاتها متعة كبيرة بالنسبة لشخص يدعي حبه للتصوير الفوتوغرافي مثلي. أعتقد أنه من الأفضل وصف الفيلم بأنه مزيج من الخيال العلمي و الإثارة فهو بأي حال من الأحوال لا يمكن تصنيفه ضمن أفلام الرعب بمفهومها التقليدي. عادة في أفلام الحركة أو الإثارة المصرية يتم الإعتماد على الكوميديا من أجل التغطية على ردائة الخدع السينمائية أو ضعف الحبكة فلو تم إنتقادهم سيكون ردهم "فكك إحنا بنهرج", و هو ما لم يكن موجودا في الفيلم الحمد لله. أداء الممثلين كان أيضا جيدا خاصة خالد صالح و حنان ترك - هذا الفيلم كان أخر أعمالها قبل إرتدائها للحجاب - و الغريب بالنسبة لي أن داليا البحيري و فتحي عبد الوهاب كانوا مهضومين على حد قول إخواننا اللبنانية. قد لا تكون القصة أو الحبكة متقنة جدا لكنها مقبولة, ورغم أن أمي غلبها النعاس أثناء الفيلم و أن أختي لم تكن معجبه به بالقدر الكافي لكنني أعتبرة واحد من أفضل الأفلام العربي التي شاهدتها في الفترة الأخيرة.

أخيرا تحقق حلمي برؤية فيلم عربية لا يرتدي فيه رجل ذي راقصة و يصر علي إضحاك الناس غصم و إقتدار و لا يحب فيه إبن الخولي بنت الباشا و يغني لها طول الفيلم.

هناك 11 تعليقًا:

غير معرف يقول...

حلو أوي
شكلي هاشوفه
بس قوللي مرعب أوي يعني؟
مينفعش أخد بنتي الصغيرة سنتين ونص معانا؟

Unknown يقول...

لا متخافش
مش رعب خالص
إبقى قوللى عجبك ولا لأ

SeeKer يقول...

شكلي هاسمع كلام خطيبتي و نروح نشوفه ..مع أني كنت أفضل الشياطين عشان عايز أشوف نقلواا الشياطيــن ال 13 للسينما ازاي!!

micheal يقول...

تحليلك للقيلم لذيذ بس واضح أنه يجب علي مشاهدته بنفسي لاني لسه شايف بوست علي احدي المدونات نازل تريقه من الفيلم و بيقول عليه مقلب
:)
تحياتي و شوف ردي التاني علي بوست الزلزال

None يقول...

فى امل نتقدم ونشوف فيلم عدل
بجد فى ناس جامده
بس مفيش منتجين عايزين يجازفو المممثلين اللى بيقولو عليهم نجوم برضه ميحبش يجازف عايزين جيل جديد

وسلااااااااااام

Unknown يقول...

ميشيل
قشطة, يارت بعد متشوفة تقولنا رأيك برده

فنان
فعلا مشكلة كبيرة لما معظم تكلفة الفيلم تضيع على أجر الفنانين و يكون ده على حساب عناصر الفيلم الأخري و ديه مشكلة موجوده في الأعمال التلفزيونية و المسرحية مش السينما بس

Amr يقول...

الفيلم فعلا حلو وأهم حاجة انك مش هينفع تحرقه وتعرف ايه اللى هيحصل زى أى فيلم عربى. و فتحى عبد الوهاب عامل دور حلو جدا ممكن يكون صغير لكن حلو جدا.

غير معرف يقول...

الفيلم حلو فعلا وأهم حاجة انك مش هتحرقه وتعرف ايه اللى هيحصل زى باقى الأفلام. وفتحى عبد الوهاب عامل دور حلو جدا.

غير معرف يقول...

فعلا الفيلم مثير للأعجاب كخطوه اولى
فى الطريق لمثل هذه الوعيه من الافلام..

زوايا التصوير والخلفيات والاضائه
فعلا اختيرت بعنايه وفتحى عبد الوهاب كان كويس .. اينعم مأفور شويه .. بس كويس

احسن اداء كان لحنان ترك

غير معرف يقول...

بجد يا جماعه الفيلم اكتر من رائع انا والله لحد النهارده مش مصدق ان السينما المصريه ممكن تطلع فيلم كده وحنان اثبتت انها توب الممثلات وكل الفريق رائع تمثيل تصوير اخراج انتاج اضاءه كل حاجه فيه

غير معرف يقول...

بجد يا جماعه الفيلم اكتر من رائع انا والله لحد النهارده مش مصدق ان السينما المصريه ممكن تطلع فيلم كده وحنان اثبتت انها توب الممثلات وكل الفريق رائع تمثيل تصوير اخراج انتاج اضاءه كل حاجه فيه