2007/11/10

تي جي أي جمعة

الموضة اليومين دول إن كل بني أدم يبتدي مدونته بعبارات من نوعية "بحبكوا في الله" و "وحشتوني قوي" و "معلش عشان بقالي فترة مش باكتب حاجة جديدة". بس أنا عايز أسأل الجماعة دول إنتوا أصلا تعرفوا كل إل بيقروا مدوناتكم عشان تحبوهم و لا تكرهوهم و لا بتقلدوا برامج الأطفال لما المذيعة ذات الوجه الغير ملائكي بالمرة ترسل قبلاتها عبر الهواء للأطفال لتبرهن لهم على حبها العميك لكل مشاهديها.

عموما عشان محدش يزعل و محدش أحسن من حد
بحبكوا يا ولاد إل إييييييه

المهم مش ديه الموضة الوحيدة اليومين دول. لكن زي ما كلنا عارفين فيه موضة تانية إسمها الهجوم على علي جمعة و الدعوة لمقاطعتة و كأنه تي جي أي جمعة. و من ثم فأنا أيضا أود المشاركة في الهجوم عليه

كيف تسول له نفسه أن يقول أن الجماعة الذين لقوا حتفهم غرقا في محاولة للهجرة الغير شرعية لأوربا ليسوا شهدا؟
ألا يعرف أن درجة الشهادة الدينية أصبحت أسهل من شهادة محو الأمية؟
فصدام حسين أضحى بطلا قوميا و شهيدا
و كل مجرم يفجر نفسة وسط مجموعة من النساء و الأطفال أو يفجر بعض المساجد شهيد
إشمعنى يعني الناس الغلابة دول مايبقوش شهداء!؟
هو إنت دافع حاجة من جيبك يا سيادة المفتى!؟
ولا الكلام بفلوس!؟
مشيها شهداء وحيات والدك أصلنا شعب كره الحياة و أملنا الوحيد إننا نغرق أو نولع في نفسنا عشان نبقي شهداء بالتزكية منغير ما نوجع قلبنا و نشتغل أو نعمل حاجة مفيدة في عيشتنا

هناك 16 تعليقًا:

حبة حاجات (ايمان) يقول...

انا اقلك ليه فى مدونين ومن ضمنهم انا
ااننا لما بنغيب شويه بنرجع من تانى ونكتب كل المصطلحات دى

(وحشتونى اوى وغيرها وغيرها )

يمكن دا لان الواحد بيحس انه ليه مخاخ تانيه غير مخاخه هو بييحترمها لانهم بيقولو رايهم بصراحه ومن غير خوف

ومش عيب ياسيدى لما تكسب ناس حتى لو مش تعرفهم

اماا بقى بالنسبه للموضه
فمتهيالى دا نوع من التجديد
يعنى لشغل دماغ المصرى
ياحرام
هوبس هيلاقيها منين ولا منين اهو بيرفه عن نفسه بالموضات

شفت بقى ان الحكومه قلبها علينا

تحياتى ليك مدونتك جميله وهادفه

على باب الله يقول...

متفق معاك مليون في المية

و مش قادر أفهم أزاي اللي بيموت في حادثة قطر و لا في غرق عبارة بيتحول بقدرة قادر إلي شهيد

ضحك علي العقول و متاجرة سافرة بأسم الدين طبعاً

و كأن الإنسان مش ها يروح الجنة إلا لما يعلنوا هنا في الأرض أنه مات شهيد

تعمل أيه بقي في أفيون الشعوب يا زعيم

Unknown يقول...

إيمان
شكرا و مرحبا بك في المدونة. و معاكي حق في أن هذه الموضة من إجل إلهاء الناس خصوصا إننا أحسن ناس تيجي في الهايفة و تتصدر

على باب الله
للأسف طلب الشهادة تحول إلى تسول الشهادة. و هناك فارق كبير بين طلب الرزق و الشحاتة

ابن حـجـر الـعـسـقـلانـى يقول...

فى العادة لما موضوع بيعجبنى باكتب فى التعليق "أحييك".. لكن موضوع سيادتك عجبنى جدا جدا ... فهاأقول لسيادتك كما قالت فيرجينيا جميلة الجميلات "و بسهم عربى .. أحييك".. بجد تدوينة جميلة

Unknown يقول...

شكرا يا إبن حجر و فتح الباري عليك

zazooo يقول...

يعني المفتي راجل اكبر من انه ينزلق في المواضيع دي في الآخر حسابهم عندربهم ولايعرف احدمنا هم في الجنةام في النار

ذو النون المصري يقول...

و الله عندك حق
فعلا ليه كل الناس بتموت موت رخيص يعتبروهم شهداء؟
عندنا مدرس مات في غرفة الدرس الخصوصي فاعتبروه شهيد و له شارع باسمه في بلدنا
و عليه شارع الشهيد الاستاذ فلان
و لا ابالغ في كلامي ابدا
و اعتبروه شهيد باعتبار ان الرسول قال من مات دون ارضه فهو شهيد
و قالوا علي تفسير دون ارضه من مات بارض اخري غي ارضه بالرغم من ان المدرس مات في البلد
و بالرغم من ان التفسير الحقيقي لها هو من مات دفاعا عن ارضه
موضعاتك مميزه
تحياتي

Unknown يقول...

أهلا بك يا ذا النون

فعلا تفسيرهم لكلمة دون أرضه عجيب
فهناك أيضا من مات دون عرضه
فهل معناها من مات بعرض أخر غير عرضه!!

koukawy يقول...

اعتقد ان الشهاده دي شئ لا يعلمه الا الله و درجه من درجات الغيب لأن اكيد الموت غرقا و حرقا و مبطون مكنش في المطلق يعني متفهمنيش ان لو واحد مات غرقان و هو سكران هيبقي شهيد
دي حاجه لا يعلمها الا الله

Unknown يقول...

معك حق يا كوكاوي

غير معرف يقول...

الله يرحمهم جميعا يعني بس هو الجدل حوالين هم شهدا و لا لأ مش داخل دماغي المهم إيه السبب اللي خلاهم يهجوا من البلد
المهم هو علاج السبب ده مش نتناقش و نتخانق قضية عبثية

Unknown يقول...

معك حق يا يحيى
فكونهم شهداء أم لا أمر لا يعنينا كثيرا, وهو قرار ليس في أيدينا أصلا, فعلا نحن نتناقش في قضية عبثية

محمد فيروز الكمالي يقول...

فعلاً أخ طارق
على المفتي أن يختار كلماته وألفاظة وألا يحكم على الناس دون دليل وخاصة في الأمور الغيبية.
ملاحظتك في مكانها

KING TOOOT يقول...

أكتشفت مدونتك بالصدفة لكن هذا الأكتشاف اسعدني كثيرا جدا
تحياتي على البوست ده و في انتظار المزيد
و أسمح لي أوجه كلمة للأخ محمد فيروز اللي معلق قبل تعليقي على طول بأسم روح و جسد
ياريت تقرأ البوست تاني لأن من الواضح أن فكرة البوست لسه ماوصلتش
تحياتي
KING TOOOT

Mona El-kalioby يقول...

اخى العزيز طارق

بس مش تعترض على كلمة عزيز لان دا اول تعارف بينا

اولا يشرفنى جداا انى اكون احد زوار مدونتك

ثانيا تعليقى بقة على اول نقطة اتكلمت فيها

لما بتلاقى زوارفى مدونتكاتعودت على وجودهم
على اراءهم اوقات بتتفق معاهمواوقات بتختلف معاهم بس بقى فى بينكم نوع من الارتباط من خلال الكتاباتتواصل غير مرئى او ملموس بس ليه تأثير

انا واحدة من الناس هجرت التدوين اكتر من 6 شهور
ولماقررت ارجع تانى كتبت انتظروعودتى قريبا لانكم وحشتونى

انا عارفة ان مش فى حد قراها ولا هيقراها بس على امل ان حد من اللى كنت بحب اتواصل معاهم زمان لسة مهتم ويسعده رجوع مدونتى

بالنسبة بقة لاخواتنا ربنا يرحمهم

انا كمان لا اعتبرهم شهداء

منكرش انه اللى حصل لهمشئ يحزن

لكن مين اللى تجوز عليه الشهادة

طالب العلم وطالب الرزق والمجاهد فى سبيل الله فى الحروب وما الى ذلك

طيب دول فعلا خارجين لطلب الرزق لكن ازاى ؟؟

بطريقة غير مشروعة زى ما انت قولت

تزوير وكدب وهروب ..
يعنى سرقة

طيب ما هو الحرامى خارق يدور على رزقه
هل لو عمل حادثة ولا مات باى طريقة او اخرى وهو رايح يسرق هقول عليه شهيد

تسلم ايدك على البوست

Unknown يقول...

مرحبا بك في مدونتي المتواضعة يا همسة الليل